السلام عليكم ورحمة الله وبركاته هذي المره غيرنا الى الغزل تلبية لطلب بعض الاخوان لعلها تحوز على رضاكم اذكريني يالعفيفه واذكري قلبٍ يودك=مانسيتك والله اني مانسيتك لو ثواني ابعدوكم وابعدوني والقدر عني يصدك=راضي بحكم الحكيم اللي عطاهم ماعطاني الله اكبر كيف ابسلا عن بحر جزرك ومدك=كيف ابسلا عن غرامٍ هاج شاطيه وغشاني كل يوم يزود في قلبي غلاكم لين ردك=ردل لقلبٍ حنون وشاع حبك واحتواني الضلوع العوج حراسك وشرياني يشدك=خايف انك تترك القلب وتربى فالمحاني (اهــ ) ياخلٍ هجرني لو تسلم لي بيدك=طابت جروحٍ قديمه وابتديت بعمر ثاني (واهـ )ياعنق الغزال اللي ذبحني كثر لدك=تلتفت فيَه بعينٍ رمشها رمحٍ رماني لابرق برق السحاب اللي يذكرني بخدك=ناضت بروق العيون وفاض دمعي واكتساني ادري انك ياوفي العهد ماينباح سدك=ماتبين لوعة الحرمان من ظلم الزماني الله يسامح عذولٍ حاول اقناعك وحدك=ابتعدت وصار طيفك في خيالي في كياني ودي اشرب من دلالك وارتوي من حلو عدك=واروي عروقٍ كواها البعد يوم انه كواني يالله انت اللي تقول ارفع يديك ولانردك=ارحم القلب المعنى في هواء صاف الثماني