الناس صارت في تبلد بالاحساس ........ ماهمهم غير الأمور التوافه ماعاد فيه لضبط الاحساس مقياس ...... الأغلبية رافعين الكلافه بنك المعرفة باقي ويعلن إفلاس ..... ماعاد أحد ينصاه يصرف صرافة اليوم عصر العولمة وضع محتاس ....... بلا رقيب ولامن الله مخافة وبعض البشر بعيونه يراقب الناس ........ مدري غباوة منه وألا لقافة ماهو بداري عن تدابير الأنجاس .......... اللي بمهنتهم فجور وحرافة اللي على العالم يحدون الأمواس ......... لقتل الضمائر بالبدع والخرافة ماباس ياللي ماتنبهت ماباس ......... متى تنبه للوضع ياحسافة قصيدة : سعد عواض العزيزي