احببت المشاركه معكم هذا اليوم بقصيده اهديها للاخ عبدالرحمن بن نايف المهلكي بمناسبة زواجه وأمسي عليه وعليكم بالخير واباركله واقوله.. سلام ياذخر الرجال المناعير..انته وريث العز لبسك وشاحه مجدن مسطر ماكتب بالطباشير..ينحت على صم الصخر له مساحه اهل القنا والخيل والسيف الشطير..يقدح شرار الراس منهم سلاحه والمهلكي مخبور ريف المسايير..دايم على الظيفان يخلي مراحه أهل الدلال المكرمات المباهير..والعود الازرق والذرا وأنشراحه في حفلكم يامكرمين الخطاطير..أنتم عمار الحفل وأنتم نجاحه ومني لأبو نايف معزه وتقدير.. حقن عليّ ومنه مابغى امتداحه عن حفلته مالي مصد ومعاذير...لو البحر دونه وصلته سباحه وعن اذنكم يالربع عندي خبر غير.. علم انتفاخر به واقول السراحه يوم انتخوا فينا هل الشام يامطير.. ششنا لهم والشام يسمع صياحه ومن الكويت القافله مسكت السير..لين اوقفت فالشام مااوحت نباحه ويالله تنصرهم بقوه وتدبير..يالين شام العز يطلق سراحه وختامها صلوا على مرسل الخير...اللي بعث للعالمين وصلاحه...