يامجلس الشورى دخيلك طلبناك=بعض الدروس إعن النساء وجلوها خل الحريم إبيتهن لاعدمناك=ومن كل مكروهٍ عسى الله يقاها وإن كأنهن جن فالقضاء شبك الاشباك=ذريعة الفوضى لمنهو بغاها مثل اللغم في وسط الاحجار فكاك=والنار من حوله شديدٍ لضاها والسيل لامنه تنحى توطاك=قام إتلاطم بك عضاها وطاها تداركو والعلم ينصاك ينصاك=مثل النجوم الساطعه في سماها والبنت عذراء والمسابيق بيداك=والبير تبرزلك ويكشف غطاها ومن عهد سيدنا ومن قبل منجاك=يأثق بهن وسط المحاكم قضاها ياصاحب الفكره بدأ تربت يداك=تربت يمينك وإقطع اللي وراها هذي مره وليا تولتك تسباك=وخلتك تمشي بأمرها من طغاها حق المره معروف فالدين وش جاك=خفة عقل ولا تتابع رضاها فتنه عظيمه لاختلط ذاك مع ذاك=فالمؤتمر رجالها مع نساها صارت كما الرجال تأمر وتنهاك=تبقى المره فيها قليلاٍ حلاها لــــ / سليمان الرهيف