: : كل ما قلت ابنام شدني لك الحنين ................. غمضي يا عين نامي ما يفيدك السهر..! كودها الأيام تقضي وانتي لا .. لا تحسبين ................. تنتهي أيام عمري وحنا ما زلنا بسفر..! في حبيبي في غناتي دايم انتي تفكرين ................. ما يفيدك لو سهرتي /غير فقدان البصر..! يا عيوني يا شقيّه ليه دايم تهملين ................. فرقة المحبوب شبت في الضمير الجمر..! خلي التفكير عنك يا عساكي ترقدين .................ولا يسيل الدمع منك هذا هو امر القدر..! يا عيوني اعرفك كل ليلة تحترين ..! .......... ......تحترين اللي سكن وسط قلبي واستقر..! من سهام الحب دايم ليه انتي تشتكين؟؟ ................حبه بقلبي له اكثر من علامات واثر..! كلمة (ن) اقولها لك في الرسايل كل حين ................حبك ارفع شأن عندي/ لا ابد ما قد قصر..! كل ليلة يستفيض الشوق مني والحنين ................والسبب صورتك اللي دايم بعيني تمر..! واتذكر قولتك لي ( غالية ما ترخصين ) ................كل ما راح / وتبقا لك من أيام العمر..! امري يا روح روحي قولي ويش اللي تبين ............... لو تبين القلب مني بين يدينك استقر..! اتذكر ضحكتك وقولتك وش تطلبين ؟ ...............لو تبين اكتب حروف الشعر من دمي الحمر..! ما اردك يا حياتي والله قلبي لك مدين .............. لو تبين ألون بدمي ترا قطر المطر..! ما الوم القلب لا شده لكم شوق وحنين ..............صدقوني ما حداه البعد عنكم والسفر..! كل ما جيت ابسولف لك عن الحب الدفين ..............قال قلبي : عندهم عن حبك اليوم الخبر..! مهما قلتي يا عيوني صدقيني تتعبين .............كيف أوصف من ينافس بحلاه احلى قمر..! هو حبيبي وروح روحي لو على مر السنين .............واحد (ن) اعشقه انا وارجيه من بد البشر..! :