صح لسانك اخوي نايف بن معلي وتقبل تحيتي جتنا الذلول اللي عليها الكلايف وعيونها فيها دموع حزينه راع الذلول يقول بالوضع شايف تمشي ذلوله والرسن في يدينه لين بركت مابين ربع ولايف وقامت تخايلها العيون الفطينه حيث القصايد بين شرد وعسايف واللي تثمنها العقول الرزينه والناس تبحث مثل بحث الوظايف للشهره اللي بين غث وسمينه والحمد لله ماش جرح مسايف ربع ورفاقه فالقرى والمدينه لو إن فالدنيا هموم وحسايف العاقل اللي مايفرط بدينه