قصيدة في عزة النفس لاصـار خلـك مستحـق المسـبـه ***سبه ترى العـشاق غـيــرك يسبـون لاابوه لاابو الحب مـن قلـب سبـه ***لاابو الغرام اللي يحدك على الهون يالعـن ابـو قلـب غشيـم يحـبـه ***ملعون والقلـب الـلـي يغليـه مـلعـون اقـول مـن هبـاك ياخبـل هـبّـه ***الدون مايسلك معاهم سوى الـــدون عـز الجفـا ولا هـوان المحـبـه ***ماخوذ من يصـيـر عـلى الـذل مـغـبـون اظهر قواة البـأس والضعـف خبّـه ***ترى الضعيف ضعيف لاطـعـم لالـون الراس مااحـد يقطعـه غيـر ربـه ***اقول عز النـفس مـااقـول لـك هـــون خـلـه يـولـي لايـذلـك بحـبـه ***ابعد وتلقاهـــم عـلــى الـبـعــد يدنــون والا انت لـو ترقـد وبالعيـن شبّـه*** ابرك من اللي يجرحونك ويسلـون ياجاهـل افهـم خذمـن العلـم لبّـه ***اصبر وتنسى والعـذارى ينسّـون الرجـل عقلـه دائمـا قبـل قلـبـه *** ماهو عمى بالقلب ومفتّـح عيـون لاقــدّمـوا حـبـه تقـدمـت حـبّــه *** وان وخّروا وخرت والـعــز مضــمــون تـرى غـلا هالوقـت هبّـه وهبّــه *** اغنم هبوب الريح لاتقلـب سكـون لاساعـدك حظـك تغانـم مهـبّـه *** لاترتهي يجيـك يـوم ويصـدّون قـبــل يـذبّــك نــاب الأرداف ذبّـــه *** ترى حلاة الرجل طاعن ومطعـون كم عاشق خلّـوه مـن غيـر سبّـه *** يصفق بكف كف مايدري وشلـون مـالــه جـدى ياكــود دمــع يكـبّـه *** عليه سيف الهجروالصـد مسنـون هـذامــن اول يــوم لــو دل دربــــه *** مادش في دنيا المجانيـن مجنـون لــكن تـبــع قلبـه وقـلبـه لعـب بـه *** واليوم يبغى عون ماحصّل العـون روض فـؤادك ياابن الأجـــواد ربّــــه *** البيض مايصلح لهن كود فرعـون والا ضعيـف النفـس دايـم مسبّـه *** ودك مساكيـن البشـر مايحبـون