بديت بالمعبود والسر مكتوم =عالم بتبيان الامور وخفاها الواحد الفرد الصمد حي قيوم =الارض خالقها وخالق سماها تمشي بنا الايام يوم (ن) وراء يوم =تمشي ولاندري وشاللي وراها تمشي بنا الايام رحايل القوم =لابد ماتصل النفوس لمداها والعمر يمضي كانه احلام وغيوم =ساعه وساعه لين تاقف رحاها والله لولا رحمة الله يالنوم =مامر عين من الذي قد دهاها ولاشفت من يلبس على جسمه هدوم =كان الوحوش الضاريات تحداها من يوم لابده على العبد محتوم =كاس المنيه والقبور وخلاها وسط القبور وعالم (ن) غير مفهوم =وترى المنازل خيرها من شقاها وكل البشر في ساعة الحشر مهموم =والله رب الكون يعلم عناها يالادمي فكر لياقيل مرحوم =في حفرة (ن) والناس توحي حذاها