سلام الله سلام(ن) يوم اقوله يحسب حسابه=يقدر مايهان ولا يجيه مـن الزلـل زلـه
ترى سيل المسيله سال كلن يرفـع ثيابـه=ولايقطع مسيل السيل واحـد داخلـه ذلـه

هلا يامرحبا ترحيبتن حلوووه وجذابـه=اقدمها لضيفانـي مثـل مااقـدم الدلـه
ترى سيل المسيله ينقطع بالرجل مااهابه=على قول المثل سيل مارد هريد البلـه

سفير المهد ظلع المهد سده مطوي دابـه=تسل السيف في وجه الحنش والا انا اسله
ترى جابه لها جابه وجابه مالهـا جابـه=عسى دربن سلكته يا عميل الخير تدلـه

لو ان السالفه فالداب هين نكسر انيابـه=ولكن البلا ان الداب يامحمد معه شلـه
يقولون الاسد ياابن سفر هو حاكم الغابه=وانا اقول الاسد تال الليالي مختلف دله

ترى اللي جابه امحمد رسول الله نرضابه=لاكن المشكله فالمله اللي تجـرح الملـه
ليا منك عطيت الورع بسكوت ايتلهابـه=يبى يرجع بعد بكره وشايل في يده سلـه

بسيطن حلها والبيـت مدخالـه مـن ابوابـه=نباها ياولـد عمـي بنهـج الشـرع والملـه
ترى الدعوى ماهي بمصامخه وهواش ونهابه=على ماقيل قبل( رماح لاهله ماانت محتلـه)

عطيتك بيت شامخ مرتخى طنباً مـن اطنابـه=واشوفك ملتوي في طنبه الشامخ تبى تحلـه
مرض عبدان وأهل الخير ماتدري وش اسبابه=وانا اقول السبب فالعله اللـي جنبهـا علـه

ترى بيت الشعـر مابيـن قرايـه وكتابـه=لاترخي البيت لو ترخيه جتك نجوم منهلـه
اشوف ابليس قام مع الخلا يشعب لك ركابه=وابو قلب مريض يموت منها مابـرد غلـه

حزمت الوسط بحزام وعصبت الراس بعصابه=وابى اقول الصحيح اللي بقلبي دقه او جلـه
يربع مهدكم لاكن حـلال القـوووم يرعابـه=وأشوف احلوقكم يأهل الذهب يبسه ومنبلـه

تحيزم واعصب رويسك ودور من تعزوابه=وابو علم ردي فالارض نحفر له وندفن له
ديرنا خيرها لنا ماهو بلحرب وعتابه=وتلقا دون مرعانا سيوف الاد عبد الله

ترى ما ضاع حق(ن) يالمطيري وله طلابه=وانا مـا ذم ربعـي فالشدايـد ياولـد لله
ليا منك لقيت الـوادي اللـي ينتصلابـه=تيمم ثم فرض الخالق الـرزاق لـه صلـه

لاتكسر ياوسيع العرف فنجالـن تقهوابـه=تقوله يالمطيري وانت باينتن بـك الخلـه
محمد بن سفر وش فيه رد العيب فاصحابه=بعد ماعاهد اصحابه نقض عهد الوفاء كله

لا تزعل لجل مانزعل ولا تأبه لاجـل مابـه=ترى اللي صار وسط الدار قلب المخلص ايتله
لوانها بالسيوف الجـرد والا ضغـط سبابـه=ياكم واحد ليا حان الوغى يبكي علـى خلـه

سفير المهد يامحمد هذا اللي محرق اعصابه=قلوب الناس مرضى والعقول شوي مختلـه
لابد بعينك تشوف الفرج لو طـول غيابـه=والا يامل قلبك من همـوم الوقـت ياملـه

يازين المهد لو نضف ثراه أو طهر اترابـه=من اللي عدهم طفسه ولاهـم ياولـد كلـه
وانا اعرف لو يموت الذيب يطلع مثله اذيابه=لاكن ان شفت ذيب قالبلد حكيي هـذا قلـه

عليه من حزامي لو مااخـاف الله وعقابـه=يابعض الناس لاشويهم شوي في جمرة المله
ليامنـا تعاونـا علـى الملقـوف عثنابـه=علي ادف وانتـه ياعميـل الخيـر دبلـه

ترى ما كل طاروقـن سمعتـه ينتغنابـه=يموت النخل واقف يالسفير ولا نقطع ضله
ليا طال الحكي يسمج ليا قـل انتحفوابـه=لاكن اختم بيوت الشعر والمستور لا تفله