هذه القصيده مسندها عقاب بن مزيدالرهيف إلى أخيه حجاب واتمنى ان تنال اعجابكم محتار في حـب ادعج العين ياحجاب === احترت في وضعٍ معـــه غير عادي تايه مــع اللي حطــم الوجــد بعتــاب === حتـــى كـــــــلامه طـّوله بالعنــادي الله يجــازي صاحبي بالرجــا خـــاب === خيب ظنوني ما استمع يوم انــادي اغليــت نور العيــن من بــد الاحبـاب === بذلــت لاجل رضــاه كل اجتهـــادي لاجله حرمت القوت والقلب منصاب === والحــزن زاد وعفت حلو الرقـادي ان كان نـور العين من حبــنا ارتــاب === وش فايده عقب الصـداقه معـــادي خلــه يدور غيـــرنا ياجـد اصحــــاب === وانا بعـــد مثـــله بلاقي مـــــــرادي القــى وليـــفٍ مايحـــاول بالانشــاب === يمشــي على درب الوفا والسدادي