ياويلي عليك ومنك تو الجروح جداد=ترى مابعد طاب الحشا من تغناجك ألا واعذابي منك لاتطري المعواد=كذيّا بدون اسباب بتعّود ادراجك أنا ماطمعت ألقاك صدفة بلا ميعاد=ترفق وحن وورني فلة حجاجك دخيلك ترى الاضلاع مبطي وهن حداد=تكرم وعطها حاجت(ن) من توهاجك مهو صح تجفاني ولاهوب سلم أجواد=تغلى عليّه كل ماقلت محتاجك ومدامك نسيت الود أنا ويش أسوى عاد=فمان الكريم وسامح الشوق لازعاجك لكّن المشاعر ضاميه شفها الميراد =ولا راح يروي شفها غير هداجك .