وجهن يغيب ولاحسبنا له حساب=ووجهن تعبنا من مساوي غيابه وجرحن مع الايام واصرارنا طاب=وجرحن تجدد في خفوقي صوابه يوم الفراق المر جاني ولاتاب=له عادتن يشتاق حضرة جنابه فرق قلوب وعذب احباب واحباب=كم واحدن قبلي مشى في ركابه قبلي طيورن بالسما طارت اسراب=تشكي سبايب حزنها للسحابه وقبلي ظعونن ودعت نزل الاعراب=ورسومها تبكي غرام وصبابه عقب الوناسه والهنا نورهم غاب=وبرد الفراق اسدل عليهم ضبابه وانا اسير البعد في ركب الاغراب=وطبع الليالي زودتني غرابه تضحك بناب وتلدغ القلب في ناب=ربيعها دايم سريعن ذهابه