عليكْ الفرج يالله ياحي ياقيوم الهً عبادهـ كلها تلتفت يمه الا يارفيقي والله انه عداك اللوم انا اللي علي اللوم في ذمتي ذمه لكن سامحني ترى العلم فيه علوم ولا يفرح اللي بينا ينقل النمه حصل ماحصل والعبد يصبر على المقسوم يدور الزمان ويخلف العزم والهمه طراة الرجل لامن لحقه من الزمان هموم مايدري بسده كود خيرة بني عمه وسيع البنايد فالشدايد قوي عزوم لاعضك زمانك شال همك معَ همه وانا والله اني ماتهنى بحلو النوم ورفيقي عليه هموم الايام ملتمه اشيل الحمل منه واحطه علي وأقوم مقامً يورد ضامي الماء على الجمه ولكن الزمان الشين ضالم وانا المضلوم على الهون يلي تمدح الوقت وتذمه