بسم الله الرحمن الرحيم الاخوه الاعزاء اقدم لكم هذ القصيده اللتي اعجبتني واتمنى منكم افادتنا بإسم شاعرها عسى ضيح برق(ن) تالي الليل شفتــه لاح على دار حــي(ن) عندكم يابــو عبدالله ابوحجر عين(ن) رمشها كن فيــها رمــاح مضاريبــها مـوتن مصـــفى على حـــله تصبرت في رجواه لين ان صبــــري بـاح واثر مـن يكـن الصبر تبـدي بـه الخــله ذبحنـــي لطيف الـــروح بمحيجرن ذبـــاح بنالـه بقلبــي ســور في داخلـــه فـــله يتـل الضمــاير تـل سكسن بعــد مـــــرواح تجـاوب سيــوره يـــوم عشـق ودبــــله سرى طول ليله والحق الصبح بالمسراح حمــوله ثقيــله والدبــل عنــه ما حـله ألآ ياعيــون اللي تهايــق يبــي الملــواح على كف شيخ(ن) والهدد ساع جا حله تبصر بحـــال(ن) من سبايبــك عـــده راح مثل ماصفالك خلك اليوم صاف(ن) له وانا كل ما اذكريالغضــي خــدك الوضـاح ليا قـام يوضي مـن ورا الشيــله الهـله تحطم ضلوعي حطـم دلون رشاها طـــاح تحـطــــــم وذمهــا يــوم لقــايهــا تــــله صحيح الهوا ياناس راعيــه مــا يرتـــاح دليلـــه عيــــونـه تسهـــره ليلــها كـــله