لاهل الشدايد بحزات الكدر فزعه=يوم الرخا فيه كل الناس فزاعه والحر نفسه لها يم الفضـــا نزعه=مايعطي الضيق لاسمع(ن) ولاطاعه يا طيب الجود ماترضى لي الهزعه=الرجل لاذل نفسه كثرت اطماعـــــــه والدمعه اللي من اقصى الروح منزعه=شعور من يبتسم لك يشكي اوضاعه منهاعروق الخفوق تقول ممزعـــــــــه=كن الحزن تلها للرمش بذراعه تمسي بها النفس مكسوره ومنهزعه=وتصحى بها العين مذعوره ومرتاعه غطا بصرها السواد وشدة الجزعه=وراحت سنين النظر ماكنها ساعه ماتذكرالابياض القلب والفزعه=يوم ان الالوان براقه وخــــــــداعه