فراقك مايهون الا على اللي للوفى جحاد =وانا لو ماغليتك ماطلبتك لاتناساني انا مادري علام الوقت واقف لي وبالمرصاد = احس ان النكد همه يدورني ويلقاني يجود الوقت باحزانه ولكن بالفرح ماجاد = فراق وبعد واحزان المدن في عالم اوطاني اذا قصدك تبكيني ترى هم الزمن سداد = بكيت ومامضى لي يوم غض الطرف واعفاني امانه هون الفرقى ترى مانضمن المعواد = يجوز الموت ياخذ عمر احدنا والعمر فاني تخيل وش شعورك وانت حولك ضحكة الحساد = ودمعك فوق خدك ينهمر والقبر عنواني ترى دمعك عليه لو تهله بعدها مافاد = تعال ابنغتنم فرصة لقاك اهواك واهواني ترى لو هي على قولك يعوضني هواك اعداد !! = تجاهلت الوداع اللي تذكرته وبكاني ترى لولا غلاك الهم فيني والحزن ماساد = بعد حان الوداع اللي عجزت اخفي به احزاني