هلا يامرحبا ترحيـب نبـدي فيـه ونقولـه=نيابة عن مطيـر الحاظـره و آلاد عبـادي
شليويح المطيري ماشـيٍ فالـدرب بنعولـه=ولا احط القدم حافي لعـل الـدرب ينقـادي

الا يازينهـا لـو تصبـح البيبـان مقفولـه=وتمسي يالمطيري من ورا البصره وبغـدادي
ياراعي الشله اللي عن عيال الخيـر معزولـه=بعد سويتها فينا يبي لـك حـرب وجهـادي

عرفت الغازكم والغازكم من عصر محلولـه=كلامك فالمسجـل لاتشغـل موجـة الـرادي
انا لي شلـةٍ فـي دربهـا ماهـي بمشلولـه=بعدهـا يالثبيتـي لاتحـرك كـورة النـادي

ابربـي حرامـيٍ يشيـل التمـر بحثـولـه=نما من عادته مايسرق الا تمـر الاجـوادي
ابوكـم ماتسنـع وامكـم قشـرى ومهبولـه=ليا ميزتهـا مـن قشرهـا ماعـاد تـزدادي

علام الحضرمي قـدام جيرانـه كفـا فولـه=يعقّـب دلتـه ويجيـب للضيفـان بــرادي
انا امي صاحيه وامك مـن الايـام مشغولـه=ولاتسمع كلام امك نهـار تصيـح وتنـادي

زعل راعي الونيت وضاع له عشرين صاموله=ويوم انه زعل واليا الفرامـل سلكهـا غـادي
حبال الخير بين النـاس ممـدوده وموصولـه=ولاتقدر تغيرهـا ليـا شفـت القمـر بـادي

اقص الجره اللي من زمـان العـام مدهولـه=واثر طبع الحرامي يختلف عن طبع الاجوادي
انا خابرك تثني كان نـار الحـرب مشعولـه=لكن اليوم عان القوم لك في كـل مرصـادي

رموشك يالمطيري من دموع العـام مبلولـه=نبا نشبعك في شعبان ونجمدك فـي جمـادي
ليا شفنا الغناوي كـل يـوم يقـل محصولـه=قطعنا عنه نسناس الهوى والشرب والـزادي

ليا حمرت عينك عندنـا بالكحـل مكحولـه=وانا بشب ناري كان شفت القـدر ماجـادي
انا ماني بشعره من عجينـة خبـل منسولـه=انا دكتورها حتـى نـداوي كـل الاكبـادي

الا ياموترٍ حطـوا لـه الشاصيـن مدبولـه=لكنه لامشى في الدرب من ممشـاه متحـادي
انا اعرف القلوب اللي من الاوهـام مدخولـه=اجيب إلها الدواء مير الدواء والطب مافـادي

انا بنشدك عن هاك الونيت إصحيـح منهولـه=بعد ماحوّل السواق ركبـه غـض الانهـادي
وانا ماني بماشي غير مـع سكـه ومدهولـه=لكنك قص دربك يالعتيبـي وانصـح الغـادي

شليويح المطيري مـدوخ العربـان بطبولـه=وياليته مع الغـزي وجنـب عزيـز البـادي
والا يازين زول الشيـخ والذرعـان مفتولـه=لكنه يطـوف ويستعـي فالشعـب وجيـادي

تغيّر صاحبي يوم السـواري وقعـت حولـه=سلامه يالثبيتي وابشر انـك واصـل المـادي
ليا زعل الثبيتي من زمان العـام قولـوا لـه=نبا نكسيه من سوق الرجـال ثيـابٍ جـدادي