للوصل مابين المعاليق مرسال=بالذات مابين القلوب النقيه والبعد طال ومشين البعد لاطال =يصبح بهاجوسي على كل نيه يالغايب الحاضر ترفق على الحال =في غيبتك صارت حياتي شقيه الشوق يلعب بي على كل موال =حكاية الحظ الردي سرمدية والدمع من عيني على الخد همال =والقلب به كيه عن ألفين كيه لكن ترى للحين باقي على البال=طيفك يعانقني صباح وعشيه في شوفتك قامت تراودني أمال=حتى لو أني صرت لجلك ضحية وأحلام وردية بلقياك تختال =تقربك مني شوية شويه مابسمع العذال لو قال من قال=خله يزيد من الخطيه خطيه الشوق مبطي لك وباقي ولا زال=والدار خضرا والمرابع ندية