يازين وينك واتصالك بعد وين=حرمتني يازين حتى اتصالك ويازين ماهو حق هجر المحبين=سمعني صوتك دام صعبا وصالك ياما عليك الدمع يذرف من العين=والقلب في ذكراك والحال هالك وياما من اجلك بعت من ناس غالين = وياما تحملت الخطر والمهالك واليوم بانت عشرتك يااريش العين= نسيت منهو بالمودة صفالك هجرتني والهجر ياصاحبي شين=عسى الهجر يازين ماهو بفالك واليوم كان انتم على العهد باقين= انا على عهدك وكلي حلالك وان كانكم يازين للعهد ناسين= الله يعوضني بخلاً بدالك لو أن من بعدك جميع المزايين=ما القى بهنه من تضاهي جمالك لكن ابلقى بالزمن ناس وافين= طبع الوفا اللي ماوجد في خصالك