الضيقه اللي ضيقة صدري وأنا ما أني بضيـق =كنيتها مـن خـوف صـدري لايبيـن ضيقهـا تدوي بصدري وأتحملها وأنـا ماأنـي بطيـق =لو كان صدري ساحة يصعب علـي تطويقهـا هبي علي يانسمـة الغربـي وعدينـي طويـق =ماالله عطاني نفس ضيقـات الصـدور تعيقهـا أنا طموحاتي ماتقـارن بالمحيـط وبالمضيـق =وعلـى مجـرات النجـوم يعزنـي تحليقـهـا أمـا نهـد الصعـب ونحقـق لغايتنـا طريـق =والا بـلاش أنتعـب أنفسنـا علـى تحقيقهـا والبارحه ليل التوجد لـه زفيـر ولـه شهيـق =قاد الجموع ولا عـزم رأيـه علـى تفريقهـا صديت والصده حطبها شب في صدري حريـق =من واقع وقعـه بنفسـي رشـة مـا أحيقهـا لعاد عرفك ياشبيه الظبي يـا أخـوه الشقيـق =ياوجد حال اللـي حوالـه ماعـرف تنسيقهـا ضيعتني ضيعة فصيـح زل وأغـواه الصديـق =يبـي يوفقهـا لكـن مـاالله قسـم توفيقـهـا بيني وبينك لو يشح الوصل ويجـف الرحيـق =ماجف قلبي من شفقك شمسك ومـن تشريقهـا يليق تجتاح الخفوق الصعـب واللـي مايليـق =تصديق مـالا يستحـق لحضرتـك تصديقهـا وشلون أملك وأنت في عيني عوين المستضيق =اللي عليـه المعضـلات أمـر مـن تعويقهـا كونت في صدري منصة حب وأعضاء وفريـق =جمهورها أشواق الخفـوق وجيتـك تصفيقهـا تقودني لك هبة النسنـاس يالغصـن الوريـق =وأتوق لك يادرة مـا أرضـى علـى تسويقهـا ماعكر الواقـع وخلـى الحلـم فعيونـي يفيـق =الا تعداي الظـروف اللـي مـا أنـي بطيقهـا اللـي بقولـه جعـل ماللبعـد والفرقـا رفيـق =ولا للتقاليـد السلـوم اللـي علـي تطبيقـهـا اللي حدت صدري على الضيقه وأنا ماني بضيق =وكنيتها لـو كـان صـدري ماتحمـل ضيقهـا وسلامتــكمـ