منتدى بني عزيز الرسمي من مطير - ◄███▓▒░ ( -.♪¸ رسـالـه ¸♪.- )░░▒▓██

مساء الخير يالربع
وصلتني رساله من أحد أعضاء منتدانا الشامخ المترابط واللذي أرى فيه محبة الأعضاء وتكاتفهم وهذا يفرح الجميع
أما صاحب الرساله وهو عضو أقدره وأعزه وأحترمه
وهو الرجل الذهبي أبو عبدالعزيز القصيده أعجبتني وبحثت عن مطلعها بالنت ووجدتها وهي لأبن شفلووت
وحبيت أطرحها عليكم .

هذي رسالته :
كل ما هبت على قلبي نسانيس الليالي ..
..قمت احسب ما كسبت من الحياة وما خسرته..
واتذكر مكسبي واللي غدا من راس مالي..
..وأتذكر كل حلم ما هدمته لا عمرته..
وأتذكر كم غدا لي من صديق وكم بقالي..
..وكم صديق "حافضا"كرته وصد وضاع كرته..
وأتذكر كم غدر بي من صديق وكم صفالي..
..وكم صديق "كل ما سند على درب حدرته..
وكم صديق "رخص في عيني وهو قد كاااااان غالي..
..وكم رخيص " كل ما عزت على نفسي حقرته..
علمتني ضحكة الدنيا "وطنخات الهبالي"..
..كيف حبل "الطيب" لامن طال يمي ما قصرته..
وعلمتني "صحبة الرديان" وقصار الحبالي..
..كيف قسمي في المكاسب من حصادي ما بذرته..
"والنهاية ما حصل لي من نسانيس الليالي..
..(كود خوة واحدن مثلك وهذا اللي ذخرته)..
وهذي رسالتي أهديها له وأبي اتركها مفاجئه له :
ياصاحبي لاتشتكي الوقت والحال
..خل الذي في قلبك اليوم خافي
ما كل حكيٍ يا ابيض القلب ينقال
..و لا كل عمرٍ من شقى الحال غافي
رح و اشتكي للي له الكل رحال
..و ارفع كفوفك له ترى الله كافي
و اعرف ترى كلٍ من همومها شال
..و لا عاد شفت اللي من الهم صافي
ما انت الوحيد اللي شكى الوقت و الحال
..و ما انت الوحيد اللي له الوقت جافي
اكذب عليك ان قلت لك خالي البال
..ياما مشيت الدرب و النور طافي
همي بقلبي يالخوي اتعب الحال
..دمعي بعيني رقص اليوم قافي
انت الرفيق اللي بهالكون ما مال
..لا ضاق صدري منهم القاك لافي
ترى غلاك اليوم ثابت و لا زال
..و لا عاد ابي ربع القلوب المقافي
خذني يمينك وابشر بذرب الأفعال
..لأمشي معك لو وين كان انجرافي
أقسم قسم انك على الراس تنشال
..خذ من قصيدي وشوف جل اعترافي

وسلامتكم يالنشاما