|
۞معربة منسب لها الأوله كيف &من صلب شيخٍ كل مجدً رقابه ۞
لابتي وعصابة راسي ياأبناء عمومتي هناك شيله وقصيده تعجبني وجبتها لكم ومن أجمل الشيلات لقلبي :laugh: تومي بي الذكرى من السيـف للسيـف والقلـب نسنـاس الغـرام ألتوابـــــه فـي ليلـةٍ فيهـا تجـر الغطاريــف موقف تعب مـا فيـه للنفـس ثابــــــه ذكرى رسوم وهمـس ود وسواليــف زالـت .. ولا زالـت محـل الكتابـه يبقى لها في سيـرة الحـب تعريــف أول غرامٍ ما يجـي لـه مشابــــــه ياغالي الذكرى... ذكـرت المواليــف فـأول مشاويـر الغـلاء والصبابــــه كتمتهـا وأحـلام عمـري مراديــــــــف أسعى وهي تسعـى ورحنـا نهابــه ما باقـي إلا صـورةٍ كنهـا طيـــــــــف وعطرٍ نسيم العشـق للـروح جابـــه تأخذ لها في دوحة الـروح تشريــف وتنزع عن الصمت المطـول ثيابـه غيداّ طغت ما مثلها فالبشـر شيـــــــف لها على عـرش الجمـال الرحابـــه تخلف موازيـن الرجـال العواريــــــف وراع الصواب إتضيعه مـن صوابـه معـربة منســب لـهـا الأولــه كيـــــف من صلب شيـخٍ كـل مجـدٍ رقابــــــه مروي عطش حدب السيوف المراهيف راس الحسب وأًصل النسب والمهابه محشومةٍ عندي مثل حشمة الضيــــف وعلى لسانـي مـن غلاهـا رقابــــــــه من دونها حالت دهـور و صواديـــــف وكـلٍ عذابـه فـي حياتـه غدابـــــــــه أعدها من ضمن الأموات يـا حيـــــف ويبقى الرجاء مـع واحـدٍ يرجابـــــه راحت ورحنـا والخواطـر ملاهيـــــف وكـلٍ يعيـد الذاكـره مـن عذابـــــــــه |
رائعه اخي عاشق هبا سلمت اناملك على طرح القيده الجميله |
يبقى لها في سيـرة الحـب تعريــف أول غرامٍ ما يجـي لـه مشابــــــه تسلم أخي عاشق على الشيلة والكلمات الأروع ولاهنت |
إلى اي مدى اخذتني معك شيله عذبــة تعزف على اوتار الفراق بصدق وعفويه أمتعتنا يا ماجد فجر |
شيلة رائعة تشكر عليها يا اخ عاااشق هبااااء تقبل مروري |
العزيزي المغترب ابو غــادة فجر تركي سعود أسعدني مروركم |
| الساعة الآن 03:01 PM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "