|
قصيده كتبها شاب بعد حادث سياره
قصيدة كتبها شاب عمل حادث سيارة و والدته كانت معاه وكان مسرعا نتيجة هذا الحادث الوالدة توفت نتيجة الاصابات الخطيرة و هو إصابته كانت خفيفة و هذي الأبيات قالها للي يواسونه يواسيني وانا الميت وحالي يجبر الدمعات تسيل من الذي فيني ويبكي وهو يواسيني وانا ابكي واتنهد وارسم بالحزن لوحات يجبروني عشان امشي ورجلي ما تمشيني قتلت رعايتي بيدي قتلت الحب والرحمات حرمت النفس من حقها وانا ابكيها وتبكيني وكنه حلم قدامي يقيدني من الصرخات ابي اصحى ولكني عجزت القى ال يصحيني فداك القلب يايمه ومهما قلت من كلمات صغيره في كبر حقك بس اتمنى تعذريني نهبت الفرح من بيتي صحيح اني خسيس الذات صحيح اني ولد طايش وكل ما أسمعه فيني تجول عيونهم فيني تفصل مني قياسات وتشيح وجوههم عني وكني غيرت ديني يظنوا حزنهم اكبر وهم اصحاب هالمأساة وانا اتحدى اذا فيهم ربع ما يحترق فيني نقص قدري بعد موتك وغابت نشوة اللذات وصار الهم عكازي اباكيه ويباكيني عطيتيني بدون حساب ولا سمعتك تقولي هات وانا اشرب حيل من دمك ودمك ما يكفيني يايمه ارجعي كافي ابجلس معك لو لحظات واقبل ايدك ورجلك وافرش لك رمش عيني يايمه ما تحملهم يقولوا مات ما قد فات تعالي غيري هالقول واطيعك باقي سنيني واترك عادة التدخين وانفذ ما تبي بسكات واصلي الفجر في المسجد قبل منتي تصحيني يايمه ارجعي تكفين وطفي شمعة الآهات ابيك انتي ولا غيرك على موتك تعزيني وضميني وداويني مثل ما كانت الهقوات ما ابي احدن يواسيني ابيك انتي تواسيني دخيلك بس لا تبكي اذا شفتي بي الدمعات انا مقوى ابكيك اذا انتي تبكيني |
دخيلك بس لا تبكي اذا شفتي بي الدمعات الله يخلي لتس امتس يااحساس الورد:praying: |
يايمه ارجعي تكفين وطفي شمعة الآهات ابيك انتي ولا غيرك على موتك تعزيني قصيدة موثرة بارك الله فيك ولو تغيرين الصورة اللي في توقيعك اختي يكمل جمالك لاتحرمينا جديدك |
قتلت رعايتي بيدي قتلت الحب والرحمات حرمت النفس من حقها وانا ابكيها وتبكيني قصيدة محزنة والله يرحم أمه ويسكنها فسيح جناته والله يصبره علي مأصابه والله يعطيكي العافية أحساس علي هالنقل الرائع وتقبلي مروري |
يايمه ارجعي كافي ابجلس معك لو لحظات واقبل ايدك ورجلك وافرش لك رمش عيني قصيدة حزينة ومعبرة والله يرحم والدته ويجبر صوابه انشاء الله |
الله يكفينا شر الحوداث ولا يكتبلنا مكروه ويعطيكي العافية اختي احساس على النقل والذائقة الشعرية ولاتحرمينا من ابداعاتك وجديدك |
| الساعة الآن 11:53 PM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "