منتدى بني عزيز الرسمي من مطير - أنقراض الديناصور للشاعر الكبير: بدر الشيب

بسم الله الرحمن الرحيم
السلام عليكم ورحمة الله وبركاته
اضع بين ايديكم هذه الرائعه للــشاعر:بـــدر الشــــيــب

لا والله.. الا. دارت الدنيا ودار الوقت دار= وأنا أحسبن الوقت بعقول الأوادم مايدور

أخذ عقول كبار ولفها على روسن صغار=والخافي أعظم والحقائق واضحه والصدق نور

هذا أنت ياوقت الشقا منته بوقت الأزدهار= تعمل كذا وتخلي الدنيا على الطيب دبور

تلعبنا لعب القمار الله يكافينا القمار= والجو عيا يعتدل والقدر عيا لايفور

وكانت مشالح واسعه والوقت حطلها زرار= من عقب ما كانت تضلل عن لواهيب الدهور

واللي منول مشلحه ضيق ولبسه مستعار= اليوم حصله مع الغفله على السلم عبور

طلع طلوع الحر لو هو مايعد من الحرار= أفتكته عقبان نجد من الذيابه والنمور

ويوم أنها بلعفرته والشلف والشرف القصار= قسمه مع الساطي مثل قسم الأناث مع الذكور

وأنا لياعلقت لي في معجم القصه أشعار= أخلي عيال البطون تفارق عيال الظهور

شاعر واعبر بالقصيد ولا. على الواضح غبار= والمستمع يحكم بصدق المعرفه لا.. بلفجور

واوصي الشعار ماهو لا. غرور ولا.أحتقار= على القصيد الجزل والتعليق في بعض الأمور

أن ماتطرقنا الأمور اللي قضياها كبار=راحت مناهجنا غداء والا. عشاء والا. فطور

حنا بوقت العولمه والتقنيه والأ بتكار=الراس ما صابه خوا والعقل ماصابه ضمور

شعر النبط صابه من الجاهل تدهور وأندثار= لا ينقرض من ملكنا مثل أنقراض الديناصور

وين أنت ياللي تنظر الدنيا بعين الأعتبار=وين أنت ياللي تنحت الأشعار من صم الصخور

وين أنت ياللي تنقد الشعار وتصدر قرار=نقدك يزيد الضغط ويفجر دواليب الصدور

هاك الصدور الضيقه والا. طويلين العمار= يصغون لنقد الصحيح ولا. تحلو بالغرور

والشاعر المبدع ..ليا .. ثارت هواجيسه وثار= من هيض والا .. غيض يسبح في عميقات البحور

والشاعر العادي يسجل في سجل الأنتظار= لو طلعوه أهل الصحافه فوق يرجع للحدور

والموهبه حكمه من الله ماتجي بالاختيار= تبقى مع الموهوب دائم لا.. سنين ولا.. شهور

وليا طرى لــه شي يرسم كل فكره بأختصار= مصنعه فـ الذاكره مثل أفخرأنواع العطور

أحساس والا.. أبداع والا..هيجنه والا.. حوار= هي هي حسب الفكره اللي داخل أفكاره تدور