|
صعلوك بن صعلوك نسل الهلافيت
بسم الله الرحمن الرحيم السلام عليكم ورحمة الله وبركاته قصيدة اتمنى أن تحوز على رضاكم القصيدهـ: هو يحسبني يوم قفا بناديه مايدري إني قبل لايقفي أقفيت يافاقد الإحساس ياتابع التيه مليت أنا ياكثر ماأرضيك مليت روح عسى دربك خضر مفاليه لاواحسافه كيف أنا أعز لي ميت وأعرف طباع اللي مصاحبك ياهيه وعقبه معك عذرك إن رحت وإن جيت مانيب للمقفي يتبع خطاويه ياخذني الله دامني أتبع الهيت ولانيب للنمام يسمع حكاويه ولاصدق الكلمه بغير تثبيت ولانيب شكاي إن صكت بلاويه أثبت ولاأتركها على ليت ياليت من غيرك هرجه عسى الله يهديه يبا يتعلق في كتوفي يبا الفيت قله انا سطام ماعاد يمديه من عام الأول سابقه ماتونيت وقله أنا سطام حرام أعطيه شعري ولو ماكان يستاهل البيت وقله أناسطام ثم افتكر فيه كيف يتغير لون وجه ترنزيت هو من لجل احبه أو مادانيه صعلوك بن صعلوك نسل الهلافيت:wink2: اللي قدم عيني يناديني البيه وخلاف ظهري يلعن الحي والميت حسافتن يومي أنا جبت طاريه وحسافتن يومي على القاف سجيت وسلامتكمـــ |
قصيدة جميلة تقبل مروري
برغم ان لي ملاحظة علي العنوان لاتحرمنا جديدك |
وقله أناسطام ثم افتكر فيه
كيف يتغير لون وجه ترنزيت مبدع يادكتور الحب الله الله يعطيك العافيه |
هو يحسبني يوم قفا بناديه مايدري إني قبل لايقفي أقفيت ,,,,,,,,,,,,,,,,,,,,,,,,,,,....................... ........ مانيب للمقفي يتبع خطاويه قصيده جميله وتحكي عن معناه للشاعر وشخصيته واحد انواع شعر الهجاء الي يكفينا شره ولايجيب حزته ياخذني الله دامني أتبع الهيت وطرح موفق والعنوان شوي غريب لكن من القصيده .. ومشكور (( Dr.love )) ودائم تكتب الرائع والجميل |
هو يحسبني يوم قفا بناديه
مايدري إني قبل لايقفي أقفيت تمنيت لو انك التزمت بجماليه مطلع القصيده ولم تعرج الى منحى اخر كذلك لو ترفعت عن بعض المفردات عموما تقبل مروري |
هو من لجل احبه أو مادانيه
صعلوك بن صعلوك نسل الهلافيت هذه راقت لي جدا جدا فجر |
شاكر لكم مروركم يالمطانيخ وجعل يفداكم اللاش ولى أقولكم حرام يفداكم جعله يفدى نعالكم :grimace: ((عذرا" على هذا الفظ)) |
حسافتن يومي أنا جبت طاريه وحسافتن يومي على القاف سجيت صح لسانك د/لايف وقصيده رائعه |
| الساعة الآن 04:56 AM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "