البارحه
 

الــــــــبارحه مانمت طول الليل والعالم نيام
سهران والنيران في القلب المعذب مشعله
ذكرت منهو شفت وسط السوق لبا س اللثام
كامل ولله الكمال وربنا اللي كمـــــــــــــــــله
من يوم شفته قلت يا ربي على الدنيا السلام
وجسمي تخدر كن ما وسطه عظام تنـــــــقله
وصرت اتبعه واللي سواتي والله انه ما يــلام
بحاول اعرف لو عنوانه وبعرف منــــــــزله
ولا دريت الا بجمس الهيه بوسط الزحـــــام
ونزل علي مطوع وجندي ومعه الســــلسله
قال المطوع خاف ربك يا ولد هذا حــــــــرام
ما تدري ان الله يجازي كل واحد بعمـــــــله
قلت اصبر اعلمك باالموضوع كله با التمام
وذا سمعت السالفه يمكن تحل المشكـــــــــله
قال اصلاانت مخالف شروط الشريعه والنظام
اركب وذا جيت القسم كل اللي بصدرك قــــــله
قلت البلا انك يا مطوع ما تعرف اهل الــــغرام
ياكم واحد في دروب العشق خله يقتـــــــــــــله
وختامها وش رايكم في القصه وهذا الكـــــــلام
اصلا تراها مزح واللي صدقه يا مخـــــــــــبله

عايض ابن نور العزيزي

مشكور ياعايض على هذه القصيده الجميله جداً

وصح لسانك

اخوك عايض بن نور

لافض فوك على المعزوفه الشعريه

قصيده عاطفيه في قمة الروعه

صح لسانك وعلى شانك

بانتظار جديدك

اخوك

الطريس

سلامتك من السهر هذا حلم والا علم
قمة الابداع وزن وقافية
تحياتي لك
تقبل مروري

صح لسانك اخي عايض

واهلا وسهلا بك في منتدى ربعك وابناء عمومتك

اههههههههههههه


لا يكون حلم ابرك من انه يكون علم


فجر

عائض

صح السانك

قصيدة روعة

تحياتي

اخي عايض قصيده خياليه ابدعت واوفيت وكفيت اعجبني البيت الذي ختمت به القصيده لك تحياتي