السلام عليكم ورحمة الله وبركاته

اقدم لكم قصيده للشاعر فايز العزيزي

اتمنا ان تنال على اعجابكم

انا على الحد متولم واشد العفوش = ناوي على طرقتن يازين مطراشها
معي الجواز الحكومي والورق والقروش = محسب حساب الجنود الشقر وهواشها
من لا يحوش المناوي وش باقي يحوش = عزي لمن راحت الثنتين ماحاشها
وانا صمل قلب ماني بالمواقف خروش = كم صيدتن لضعوف اخلي اعراشها
لو يبلش الخبل ماني في الاوادم بلوش = اطلع الشوكه السوداء بمنقاشها
ولدار فكري بمكر الشعر مادار بوش = الهزله ارتدها والجزله احتاشها
لعداي قاسي لكن لصحاب قلبي بشوش = لون همي ورا الضلعين وهشاشها
صافي مع الصافي اللي مايجيلي غشوش = اللي مجيه يزيد النفس وانعاشها
كم مرتن جيت متضايق وكبدي تغوش = وهموم قلبي بنت في قلبي اعشاشها
ولجيتها بلت المعلوق بل الرشوش = واصبح كما قطعتن تسقى برشاشها
فيها جمال الطبيعه مايبيله انقوش = مازينتها الصور في قوة افلاشها
تنوشني بالهوى لالدت العين نوش = وهي مني صواب الحب كد ناشها
يادوش راسي من المجمول يالربع دوش = شيطان فكري يدق بصوت مهباشها
اغليه مايغلي الهدلان خيله اكروش = من دونها زعل الاتراك مع باشها
واحرسه حرس الرموش لماتضم الرموش = عن لمست العين سباقات في ارماشها
ويا ناشدن عن مكاني لاتزيد النقوش = ياسعد من لحضت التوديع ماعاشها