عساها تشفع لي عندكم يا الاد وائل بعد فترة الغياب

مناسبة هذة القصيدة وموضوعها زواج مشعل مدعج المغيبي

وسوف تبثها قناة المرقاب الاسبوع القادم





يالله ياواحدٍ مانسجد الا له = يا خالق الخلق والارزاق كافلها

اعوذ بك من عذاب القبر واهواله = ومن كلمةٍ مايسرك حال قايلها

والشعر يطلب ويتعب له ويعنا له = ويرقا براعية في عالي منازلها

والليلة الوقت وقتة والسعد فاله = وعقب صبيٍ ربوعة مايجملها

يامرحبا عد نوض البرق فاخياله = واعداد ماهلة القبله همايلها

بجميع من جاه داعينا ولباله = بسم القبيله نثنيها وندبلها

في حفل منهو جزيل المدح يزهاله = رجلٍ دروب المراجل ماتجاهلها

من طلعتة كل علمٍ زين يسعاله = مبروك يامشعل الحفلة ومشعلها

والرجل لو تحكمه دنياه واشغاله = من شان ربعة ضروف الوقت يجلها

وان كان حاول وعيت ماتهياله = يفعل مثل مافعلة ابها يكنسلها

لعيون ربعٍ لفعل الطيب مياله = الاد غايب لياعدت فعايلها

قومٍ ليا جا اللزوم وكبرت القاله = تثني وكثر الدعاوي ماتزلزلها

سلايل اللي مع السرحان قد جاله = قصة وفاً مصدر التاريخ ناقلها

مرافق الذيب في حله وترحاله = وله سيرتٍ يبحل الراوي تسلسلها

ايوالله افخر بهم والراس بعقاله = واهل النوايا ليا مالت نعدلها

ويقال من لايعيل يجيه عياله = والناس عيت تخلص من مشاكلها

والحق محدٍ يريد يسكر اقفاله = ومن قدم الطيبة يلقى مقابلها

ناسٍ على شانها ماتذكر العاله = وناسٍ على شانها ناسٍ نجاملها

وناسٍ يجهز لها الكايد وتشتاله = والا بمايقتض الموقف نعاملها

العاقل اللي عرف وش له ووش ماله = والخبل ماينتهي لين يتحثلها

والحمد للي ومرنا وامتثلنا له = اللي عليه البشر تعقد توكلها

على امن هذا البلاد وفطنت رجاله = وزعيمنا اللي هل النخوة يمثلها

نفخر ببو متعب اللي كل من جاله = يروح من عندة احواله مبدلها

وصلاة ربي عدد ما هل هماله = على نبيٍٍ شروط الدين كملها

ما شاء الله عليك يابن مذكر كما عرفنا عنك طيب لا تأتي إلا بالطيب الغالي الثمين ,صح الله لسانك وسلمت بنانك وانت وان غبت يا ابن مذكر إلا انك والله في قلوبنا ولا ننسى من له مثل صنائعك وسمعتك الطيبة ومثلك قليل في الرجال يا نسل الأحرار وانت مكسب لنا أولا وللمنتدى ثاني ,اسأل الله ان يطيل بعمرك ويديم عزك .


بارك الله لمشعل بن مديعج ورزقه الذريه الصالحه ان شاء الله وبيض الله وجهك علي هذه القصيده الطيبه والجزله فقد كتبت واجزلت ومدحت وأوردة المدح اهله ونعم اللابة والله ولاهي غريبه منك هذه الحميه وهذه الكلمات الطيبه فانت من خيرت والله ما عرفت في الأعلام وعالم النت فان كتبت أجزلت وتميزه وان علقت أبدعت ونلت الإعجاب ودائما حليفك التميز والإبداع , ولا اقول غير سلم الله بنانك علي هذا النقل الطيبه وصح لسانك وبدنك وأمدك بالعمر والرزق حتى ترضى





الله عليك وعلي حكمك الطيبة

اقف اجلال والله لهذه الكلامات الطيبه

وكلك والله حكم ومضرب للأمثال والابداع والنجوميه






اخوك
واصل عزيزي
خالد عمران