المدح ما ينساق ليات رجال = ألا لرجلٍ وافياتٍ شبوره
اللي ليا من قال تلقاله أفعال = ما هو مجرد صوت من غير صوره
يستاهل الفنجال بلى شك وجدال = ويستاهل إنا في مكانه نزوره
اللي على الطالات دايم ولازال = ما خاب لاجيله بوقت الضروره
إليا نصيته فالشدايد والاهوال = تلقاه في صفك ومعطيك شوره
دايم معك باليد والجاه والمال = وعلى العدو دايم مولم باكوره
ياقف مواقيف النشاما والابطال = وياما حمى دور القبيله ودوره
عشيق من تلبس عبايه وخلخال = أم العيون الناعسات الغيوره
راعي وفاء راعي كرم راعي دلال = وراعي مجامر عامرات إبخوره
عشِيق للجزلات في كل الاحوال = ويمناه ما تجزع بمد الجروره
هذاك أبو بندر ليا قال لك طال = والنعم مير بغيبته وبحضوره
أقولها صادق ولا عندي إشكال = لاهل النفوس الحاقدات الغروره
له في قلوب الناس حشمه ومنزال = مثل القمر لشع فالكون نوره

وزرت فشرفت
فلقد تشرف هذا الصرح بانضمامك إلى كوكبته الرائعة

أنت شاعر الإبداع والنجومية