|
شــــعرا" كـــتبته... مرزوق جامل
قصيدة لشاعر مرزوق جامل العزيزي
كتبت شعرا" فيه نوع الحداثه = حديث ميلاده وانقي حروفه عليك ياوارث جماله وراثه = ياسعد عيني لا تكرم بشوفه العقل من هجره.. دخلبه خراثه = هوجاس يدنيني وتبعد طيوفه والصدر كنه قصر مشيول اثاثه = مخربش" به والدرايش حذوفه نحرث ونزرع في زمان الحراثه = والزرع ينبت مير محد" يشوفه فالقلب ينبت وسط دار الدماثه = وزرع" زرعته دانيات" قطوفه وين انت يالقطاف تقطف جثاثه؟ = وتلحق على زرع" تصرم طروفه مسقيه من دمعي شهورا" ثلاثه = والدمع.. غالي نزلته بالكلوفه واليوم لاسقوى ولا به علاثه = مصفر لونه والمخاطر تحوفه أغيث واسرع بالهنا والأغاثه = والا تراه يموت.. موت الحسوفه وانا اشهد ان الحب بعضه غلاثه = حب الوهم بالقلب شطره سيوفه وشعرا" كتبته فيه نوع الحداثه = ابنشره بالصحف يمكن تشوفه الشاعر- مرزوق جامل العزيزي |
محمد العزيزي بيض الله وجهك علي النقل الطيب وصح الله لسان الشاعر مرزوق جامل العزيزي ولكن نبي منك قصائد لشاعر ولو تكتب نبذة عن الشاعر تكون متجمل ولا تبخل عليناء ولا على الشاعر بتعريف عنة اخوك واصل عزيزي |
الاخ العزيز محمد العزيزي مشكور وبيض اللة وجهك على استدراج قصائد ابو تركي الى المنتدى وانا فخور بوجود اشعار مرزوق بجانبي وللامانه انها قصيده جزله من شاعر جزل . وين انت يالقطاف تقطف جثاثه= وتلحق على زرع تصرم طروفه صح لسانك ولسان الشاعر وتقبلو مروري حامد رضا |
صح لسانك ولسان شاعرهاااا
وتقبل مروري واحترامي |
واصل ابشر ابشر
عن قريب راح يسجل معنا في المنتدى وهو يعرفك بنفسه تقبل تحياتي |
ووجهك ابيض ابو عبدالله
فيك الخير والبركه انت وابو تركي تقبل تحياتي |
صح بدنك ابو نواف
وتسلم على مرورك المتألق محمد العزيزي |
|
صح بدنك الله لايهينك عمر على مرورك المتألق
تقبل تحياتي محمد العزيزي |
مشكور
والله يعطيك العافيه |
| الساعة الآن 09:35 AM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "