|
ردي على عبدالله الرهيف
هذه أبيات وصلتنى مطبوعه من الأخ العزيز / عبدالله مريزيق الرهيف
وبلغت أنها موجوده بالمنتدى وهي اللي عرفتني على المنتدي طبعا الأخ عبدالله يستاهل الطيب واللي جري بيني وبينه ماهو كرم ولا معروف مني هذا واجب عليه اتجاه اي فرد من أفراد القبيله ولهم حق مادمت أحمل هذا الأسم العزيزي يقول: سلام ياراعي الوفا راعي الجود .... اللي بفعل الطيب والخير مذكور لحظه نصيته باالمواقيف موجود .... بفعل كل الخير مذكور له دور قول وفعل عزالله امحمدحمود .... يومن غيره يعتذرقلت معذور انشهد انك قدها يا ابوسعود .... عسى حياتك كلها افراح وسرور تشهدلك افعالك وخلق الله شهود....تاريخكم شاهدومعروف ومشهود بلغ تحياتي لخوالي هل الزود .... يامحمد المشعان مشكور مشكور ردي مع أني ماني بشاعر لكن الواجب يفرض نفسه : مرحبا يا راعي البن والهيل والعود .... نسل الكرام نجاد فزاع كل مدهور راعي النايفه بذلنا له كل مجهود.... عبدالله غصب نجبر لخاطره كل مقصور الطيب يا فعال الطيب دوم مردود .... تستاهل وغيرك عود وبالنفس مقهور وختامها سلام من خوالك حمايت الذود....غريمهم ما يسلم على الموت مدحور |
صح لسانك ولسان عبدالله لا والله شاعر يا محمد ليش تتواضع و ودنا نشوف قصايدك الثانية بعد أخوي محمد عبدالله الرهيف هو نفسه العضو الرهيف وإلا غيره ............< وأنتي وش دخلك يا نهوده هع هع يسلموووووووو ثانكس |
صح لسانك وعلا شانك يابو سعود
وصح لسان اخونا الرهيف قصايد طيبه وكلكم والنعم فيكم اهل العلم الغانم اخوك الطريس |
قول وفعل عزالله امحمدحمود .... يومن غيره يعتذرقلت معذور
انشهد انك قدها يا ابوسعود .... عسى حياتك كلها افراح وسرور صح لسانك يابو سعود وتستاهل المدح بدون شك ولا فيك حيلة والرهيف يستاهل الوقفه اشكرك على كتابتك هذي القصيدة وردها تقبل مروري وشكرا لك |
هلا وغلا أختي أناهيد
يسعدني مرورك وكلماتك نور على نور>>> لا نهوده ما أعتقد أنه أخونا العزيز الرهيف اللي بالمنتدى أخوي عبدالله فوق الأربعينات الله يطول بعمره |
هلا وغلا بأخوي الغالي الطريس
كلماتك وسام وحضورك الدائم يسعدني تعجز الكلمات بالوفاء بحقك وتبقى المشاعر تفخر بك |
يامرحبا ياهلا عد ماخلق ربي من ملا بالعزيز أبن العزيز أبن العزيز
يامرحبا ياابو خالد >> تعرف غلاتك لو أقول ما قول وعبدالله أبو سلطان يتساهل وزود منا رفيق ومنا بناخي أبو محمد جزيل الخصايل |
| الساعة الآن 12:43 AM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "