|
محاوره بين الشاعرين صياف السحيمي وعبدالله بن عتقان
عـبــدالله بـــن عـتـقــان
سلامي على اللي شرفوا حفلة الاستاد ***** فهد راعي الوقفات والمذهب الوافـي تقابلت مع صياف صدفه بـلا ميعـاد ***** وأنا بنتهزها وأخـذ أخبـار صيافـي صــيـــاف الـسـحـيـمــي هلا مرحبا مليون يالطرقـي النشـاد ***** ياراع العلوم البيض والمنهج الصافي تقابلت مع صياف كنـك ولـد عـواد ***** تبا تقضي المشوار وتـروح متعافـي عـبــدالله بـــن عـتـقــان بعد قاعدوك الربع ياريـس الأفـراد ***** أخير إلك تال الوقت تسعى وتطافـي ولو مت في شعبان وألا بشهر جمـاد ***** ترى يفرح العتبان موتك والأشرافـي صــيـــاف الـسـحـيـمــي الا واخسارة من ركبها بغيـر إشـداد **** تحول به الغبـه ولا عـاد ينشافـي أنا معتبرهـا هرجـه ودلـه وبـراد ***** ولا اسري ظلام الليل بالمشعل الطافي عـبــدالله بـــن عـتـقــان ألا واخسارة قـل صيـاف مايـزداد ***** أشوفه يقدمها على أرباع وأنصافـي إذا ثوب اللي لابسه يالسحيمـي بـاد ***** على البنك ماتصلح ياصياف صرافـي صــيـــاف الـسـحـيـمــي بلش في قرون الثور عنتر ولد شـداد ***** يواذيـه قعـادي ويوذيـه وقـافـي بدف العرب من قدم وأدفهم من غـاد ***** وكـلٍ يـدور قبـره البـارد الدافـي عـبــدالله بـــن عـتـقــان أشوفك نويت الشر ياطاغيـة بغـداد ***** ياكافي من اللي يبعث الشر ياكافـي تهرج وسولف ياجوديٍ من الأجـواد ***** وانا يالسحيمي منك ماضاق محرافي صــيـــاف الـسـحـيـمــي ثلاثين بندق ثوروهـا بـدون أزنـاد ***** وأنا جيتهم دكتور مير المرض خافي تراني بسولف معك لجل الملح والزاد ***** لعلك يأبن عتقـان رجـال وسنافـي |
الله يرحم صياف ويطوول بعمر ابن عتقان
محاوره ممتعه تسلم يمينك على النقل لك تحيااتي |
شكرااا
اخوي سفير المهد شرفني مرورك |
| الساعة الآن 10:12 PM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "