منتدى بني عزيز الرسمي من مطير - محاوره بين المرحوم عبد الله العير ورشيد الزلامي

محاوره بين المرحوم عبد الله العير ورشيد الزلامي

----------------------------------------------------------

اعجبتني هذا المحاورة واردكم تطلعون عليها

محاوره بين المرحوم عبد الله العير ورشيد الزلامي

عبدالله العير

سلام يا اصحابنا اللي جيتهم بالوعد=وانا لياجتني الدعوات لبيتها
اصفى سما نجد لابارق ولامن رعد=وانا لمحت المزن ورعودها اوحيتها

رشيد الزلامي :

الله يحييك ترحيبٍ بليا عدد=قدمك رجالٍ ترحبك ليا جيتها
بس المصيبه تجيهم وانت مامعك احد=قامت بك الارض واشتغلت عفاريتها

عبدالله العير:

البارحه يارشيد وليت الاول بعد=وشلون حال الجماعه يوم مريتها
حنّا طراقي ولاحنّا من اهل البلد=لكن دعوتك هذي تعرف بويتها

رشيد الزلامي :

ان كان تنشد جماعتنا بحال السعد=ومطير ماهي على الدرب وتعديتها
وش رايكم في عجوز بليس جابت ولد=واليا اسر الله ضحكتك وبكيتها

عبدالله العير :

الله ولا النشده اللي تاليتها نكد=وشلون موجتك للمطران فريتها
اللي عطتك البريره وانت وسط المهد=قالوا لي انك بعد شيّبت جازيتها

رشيد الزلامي :

الله يعلم رشيد وقصده اللي قصد=مطير من قبل جيراني وحبيتها
لاتحفر المقبره يطبق عليك اللحد=واللي عطتني البريره جيت وارضيتها

عبدالله العير:

الليله انته بعيرٍ تنتظم وتهبد=ماتنتثنّى يدينك مير ثنيتها
اللي عطتك البريره حظها منقرد=عرضتها لاهب الكنّه وخليتها

رشيد الزلامي :

الموج اشوفه طفح والبحر جاله زبد=لكنّ ذيك البضاعه وين وديتها
فزعتك عشرين واللي طاح واللي قعد=وخمخمتها في ظلام الليل واخطيتها

عبدالله العير :

حطيتها في بيوتٍ جودت بالعمد=وانته تباها لكنّك ماتحليتها
الله يعذبك كيف اشغلتني بالنشد=عن حرجةٍ تطلب الميته وذكيتها

رشيد الزلامي :

اقول سبحانك الخلاق فردٍ صمد=عيون فتحتها وعيونٍ اعميتها
يالعير دم الخواجه ماع مدري جمد=وارد عراوي دخل ماها على زيتها

عبدالله العير :
الله ليا راد له حاجه بليا جهد=حرّم عليك الزقاره وانت كنيتها
ماعاد عند الخواجه دم كله نفد=اتعبت رجلك على دربه وعنيتها

الزلامي :

وش رايك اعطيك بالغليون لين تهجد=تصبح وساعتك ضايعةٍ تواقيتها