|
الشـــاعر/ علي الريــُض العــزيزي
السلام عليكم ورحمة الله وبركاته أخواني الأعضاء نريد أن نكتب عن شاعرنا الذي يحسد على محبة الناس له شاعر متألق مبدع يختصر المسافات لكل جماهيره هو ليس شاعر المليون بل شاعر الملايين هو شاعر القلوب صاحب الحرف الصادق فعندما يكتب سواء" عن الغزل او الحزن او الرثاء او الأعتزاز او المدح... الى اخره يجعل جماهيره يعيشون كل كلمه يقولها هو من خيرة من يمثلنا في المحافل الأدبيه شاعر وأبن شاعر لن نوفيه حقه مهما قلنا ومهما فعلنا فلله دره هو الشاعر/ علي أبن نجا أبن ريُض الطلاحبي العزيزي المطيري وهو يعمل في منطقة الرياض أخترت له هذه الموضوع وسوف يتم تثبيته في حالة تفاعل الأعضاء بنقل كل قصائده وبناء ديوان له سواء" من المقروء او المسموع |
دائما سباق لما فيه خير واشهد ان شاعرنا علي الريض العزيزي يستاهل اكثر وسوف انشاء الله تتلقى القصائد من الاعضاء في المنتدى واتمنى مشاركته بان يكتب في منتدانا منتدى بني عزيز واتمنى ان توجه له دعوى خاصه بذالك وتقبل شكري وتحياتي ياواصل عزيز( خالد عمران ناجي العزيزي )
محبكم ابوقراحه |
اقتباس:
هلا ابو قراحة حياك الله مشكور عل المرور ونبي تفاعلكم الله يحييكم ويبقيكم ذخر وهذى صفحة ابو نايف كل من عنده قصائد لشاعرنى او مقاطع صوتيه فلا يتأخر عنا بها ولك خالص التقدير ابو قراحه( .. )ههه |
الرجاء التفاعل وتنزيل قصائد الشاعر فهذه الصفحه مخصصه لشاعرنى على الريض وسوف ابد بهذه القصائد لشاعر على الريض
بعد ماطالني ليل الهجوس وطال بي مسراه = سريت وزان لي نظم القصيد ووزن قيفانه عساي اكتب كلام مايخيب ظن من يقراه = وعساي اجيب من بحر الشعر لوله ومرجانه انا العبد الفقير اللي رجاه وعزته بالله = إله مايخيب اللي طلب عفوه وغفرانه وأنا اللي حده الوقت الردي يالين جاب اقصاه = زمان ماصفط لي غير تعذيبه وحرمانه وانا الصب العليل اللي طواه البعد لين اشقاه = نسى ظلم الزمان ولانسى تجريح خلانه اشوف العشق يكبر في الضلوع ولا قدرت اقواه = رعت ذوده مداهيل الخفوق وعشب صمانه سبايب مترف ماداج في روض الحشا حلياه = ملك تاج المحبة واعتلى عرشه وسلطانه عليه من البها هيبة شموخ وطلة تزهاه = وعلي من الشقا سقم الجروح وعين سهرانه اليا منه تبسم شب قنديل الغلا بشفاه = ولا منه تجهم ضاقت الدنيا على شانه ترك لي في غيابه طعنتين ودمعتين وآه = متى ينهي حضوره سيرة الحرمان واحزانه له الله لانسى حدب الضلوع ولاذكر مرباه = ولي الله لاذكرته والغلا يرجح بميزانه _____________
حلوة ولها وجة طفولي وجذاب =ماكن صفعات السنين اتعبتها تفتح لبيبان الأماني مية باب=وتقفل ابواب الشقاشيطنتها اشوفها وانسى التعاسة والأتعاب=واذكر مساحات القلوب وسعتها حتى سوالفها مع الروح تنساب=تكسر مجاديف الأمل سالفتها شيهانة صلفا لها القلب مرقاب=حاطتبه حبال الهوى واشبكتها اغيب عنها واحسب لعمري حساب=واندب سنين في بعدها ضيعتها مريتها وانا من الوقت مرتاب=وكل العلوم الماضيه رجعتها اهدة علي ورده وعطر وكتاب=وقصيدة ليا وهي كاتبتها واخذت منها دمعه تحرق اعصاب=اموووت وعروق الظما مانستها ودعتها وجه طفولي وجذاب =اتعبتها مدري السنين اتعبتها |
تسلم اخي واصل على هالفكرة
ولك مني هذه المساهمه
يا كثر شين في الحشا ودي أبديـه = أطلق عصافيـر المحبـه وأقولـه وأطرزه بأغلى التعابيـر واهديـه = بأغلى درر مرجان شعري ولولـه شاعر ولي من قمة الشعر عاليـه = لوالشعر ماينحسـب لـي بطولـه لأكن اقدر قيمتـه واعتنـي فيـه = واعرف تاريخه ودارس فصولـه أطول عسراتـه وارتـب قوافيـه = والجزل صعب ولايجي بالسهو له ماني مثل خبلٍ يخمـه ويخطيـه = جاهل وتسمع له عقـول مهبولـه واليوم انا من صادق القلب أغنيـه = للوافـي اللـي نـادراتٍ فعولـه لمنيف صقر اقدم اجمـل معانيـه = يوم ان له في الطيب صوله وجوله اقسـم قسـم بالله اقـدره واغليـه = ولا بغي لمدحي من صديقي عموله ياكم حلمت بمثل شرواه اخاويـه = حلمٍ يراودني وأنـا بالطفـو لـه والحين لامن جاني اسمه وطاريه = افز له واذكـر معـان الرجولـه تنبت بساتين التواضع على ايديـه = وتزهر نواوير الفرح من وصوله حرٍ تبشر بالعشـاء مـن تعليـه = وغيثٍ تبشر بالحيا مـن هطولـه بحر الكرم للجود بانـي موانيـه = يبهج صدور المعسرين ان عنوا له عجزت مدري كيف وشلون اسميه = حتى المدح مـا يقدرانـه يطولـه يالله من شـر المخاليـق تحميـه = ومن نزوة القلب الغثيث وفضولـه ويالله ياربـي تـطـول ليالـيـه = وتنزلـه بالاخـره مـع رسولـه ---------------- وهذه أخرى من ابداعاته
من وين اببداء بالشقاء بس من وين = يا لله يـا ربـي لا تـردي نصيبـي تعبت مـن ترديـد بكـره وبعديـن = والعمر وليال السنيـن تعـدي بـي الوقت قدامـي هـدم سـور برليـن = طبع الزمن للهدم مـا هـو غريبـي قناعتـي كذبـه وهمـي براهـيـن = ما غرد بصـوت الفـرح عندليبـي المشكله ما هـي عـداوه معاديـن = المشكلـه لا صـار حظـي حريبـي ما بين اجار البيت والقسـط والديـن = يا فـارج الكربـات تـدري بغيبـي سيارتـي ددسـن ثلاثـة وتسعيـن = وعندي لها وصف اللكـازز قريبـي قدامها كنـت اعتـزي بالليموزيـن = واكاسـره واقـول ربـي حسيبـي ولا مر طـاري الاغنيـاء والثرييـن = رددت بـيـت ٍ حـافـظ للذويـبـي وأرضى بمقسومي على العسر واللين = وسعيـد لا جبـت لبناتـي حليـبـي ولا ضاعت بوجهي جميع العناويـن = نصيت ابو داحـم عشانـه صحيبـي تقاسمت انا وياه لو كـان خمسيـن = اللـي يجيبـه تقـل كنـه بجيـبـي والا زرع لـي بالقناعـة بساتـيـن = هون علي الامر لـو هـو صعيبـي زهدت فالدنيا من الصيـن للصيـن = وصار الفضاء عندي وساع رحيبـي احلى ما في الدنيا صداقـة صديقيـن = واتعس ما فا الدنيا عـداوة قريبـي واكثر ما يبهجني سمـاع المواذيـن = وازعل على عبد المجيـد ورهيبـي يا لله يـا رب الضعـوف المساكيـن = ياللي بدعـوات الرجـاء تستجيبـي يا لله ترزقني القناعـه مـع الديـن = وانك ما تكشـف للمخاليـق عيبـي والطف بعبدك يوم وضـع الموازيـن = في ساعة فيهـا البشـر تستريبـي وياللي سمعتوا دعوتي قولوا اميـن = يا لله يـا ربـي لا تـردي نصيبـي |
الف شكر لك اخوي العزيزي ودائما سباق للمواقف الطيبه هذي بعض قصائد الشاعر بصوت والصوره وهذى رثاء شاعرنى لوالده الشيخ والمرحوم نجاء أسكنة الله فسيح جناته وتجاوز عنه http://www.up4vip.com/up/download-b860fe6e26.3gp.html وهذا المقطع لقصيدة حناء مطير الله خلقنى مشاهير من جدنى الاول لأخر نمانى http://up1.m5zn.com/1ce3bb39c1.3gp.htm وهذاء المقطع لقصيدة يكتبنى الظيق واللوعات تقرانى http://up1.m5zn.com/167654f1fb.3gp.htm |
|
مشكور
والله يعطيك العافيه |
شكراااااااا أخوي
|
شكراااااااا أخوي
|
| الساعة الآن 08:02 PM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "