الذنب كسر(ن) لو جبرته مأنستر بين الآنام=الله يحل عقـــودها لا جــات بين الأربعه
الذنب وهروج الحسود اللي نطق بعض الكلام=والحظ وأجحافه وصدق" مايضوي منفعه
ياسعود تدري بحالي اللي لو أقول أنه تمام=ماهو تمام وماتضيع الوقفه اللي مـن سعه
ياصاحبي دوك الخبر وأكتب على الدنيا السلام=مامات غالي لو زعل ياخذ جـــزاة اللي صنعه
أحد يعرض راسه ويصبح مضارب للسهام=وأحدن يجره للبلاوي شامت" به وأمــعه
وأحدن يفوت العمر ماياصل مرامه والمرام=ماياصله غير الذي لامن نوى ياما أشجعه
وقتك يأبن مقبل ترى ماجابلك غير أحترام=يوم العرب كل" يقول: الوقت يالله تقلعه
الذنب ذنب اللي حلاله مختلط فيه الحرام=والا الزمن من عصر جدي مايلبسك أقنعه
ايامنا تمشي ونمشي والوعد نادى الهمام=مثل البحر فيها سبابيح ومراكب وأشرعه
قد قالها قبلي (رشيد)* ومقصده صحى نيام=مدري على وين الوكاد أنه سلف ونرجعه
يارب أنا عبدك ولد عبدك على دين الأمام=اللي صلاته بالرسل حيثه شفيع" نتبعه
أشيل ذنب وطامع" في رحمتك يوم المقام=يالله تقدي عبدك المذنب وياصل مطمعه
العام قفى وراح من عمري وحسبت العوام=والوعد قرب قلت من فكري زماني مأسرعه
يافالج البحرين يافارض صلاتك والصيام=ياحامي البيتين ياكافل عباد موزعه
رحماك لامني لبست من الخرايق ثوب خام=والعمر مرهون وسلف في موعده بأرجعه

أشيل ذنب وطامع" في رحمتـك يـوم المقـاميالله تقدي عبـدك المذنـب وياصـل مطمعـه