ضاع الحيا... والكلام الزين ما دله=وجفت وجيهٍ حياها صـب همالـه
ياعاشق الشعر ما احدٍ قايـلٍ خلـه=الا الياصرت مانت بكاتب جزالـه
ياكثر.. ناس الشعر..والشعر ياقله=وكم واحدٍ لو يموت! الشعر ماقاله
لاتندفع مع بريـق النجـم وتملـه=أشوى لك البعد عنه وقربك اشواله
ياحامي الصوت صوتك مابرد غله=لاهو يمين الصحيح ولاهو شمالـه
ياهات كل الحكي والا اتركه كلـه=لاصرت ماتقدره لاتصير مرسالـه
القلب ماهو بجاهـل عـزه وذلـه=لكنّ بعض الرجال اتذلك افضالـه
لاتحطني لغز ثم تموت فـي حلـه=للصدق حاله وغيره له مية حالـه
ماني بمن يكسب الاعجاب من ظله=مثلي الحاله ومثله ماهـو الحالـه
ماشوف فالناس شخصٍ ذم في خله=لو انه يسب في عمه وفـي خالـه
ماني بمسئول عن شرهات خلق الله=هالوقت ياصاحبي من يحصي هباله
ياكثرهم لو بحاسبهم علـى الزلـه=وياقلهم لاحسبت الوقـت وافعالـه
قل الحيا..والحديث العذب ماعلـه=وياليت بعض الوجيه يكف همالـه