عليه توقيعي وبصمة ابهامي
 

بسم الله اول قولنا يوم نبديه
اقولها قدام بدع الكلامي

سلام ياشيخن ليا حل طاريه
راسي يشوش وياصل اليا الغمامي

ابن نويشي جعل ربي يخليه
عريب ساسه من خوال وعمامي

محمد الي حاشت الطيب اياديه
فعله سوات النور يجلي الظلامي

مبروك عرسه جعل ربي يهنيه
وجعل السعد فاله ويبقى دوامي

فيه الكرم جبلتن من يضاهيه
هداج تيما مروين كل ضامي

شيخأ علوم المرجله كلها فيه
بالفعل تخضع له وفاء واحترامي

لنه مطيري واسم ربعه يكفيه
حمر النواظر عزوتن ماتضامي

تاريخهم معروف والناس ترويه
وافعالهم تذكر بشرقن وشامي

ودخيلها تمنه ماحدن يعاديه
توقف لخصمه ماتلين العظامي

وانا عتيبي ن ماضاعت هقاويه
شخيأ ولد شيخأ بعيد المرامي

ربعي عتيبه قولها ماتثنيه
ودخيلها يهنى بحلو المنامي

تم الكلام الي من القلب مهديه
عليه توقيعي وبصمة بهامي


الشاعر
فايز الرويس العتيبي

يسلم نقلك ىافخر مطير
وصح لسان العتيبي ويستاهل الممدوح

يامرحبا بالقرم والقلب يغليه
ترحيبتن له مثل وبل الغمامي

راعي الكرم والطيب هذي مباديه
له عند كل الناس زود اهتمامي

فايز ابو ريان قررت اسميه
شاعر علم مقدام حرأ قطامي

ياسعد من هو بالمخاوه يخاويه
فزعه وجزعه في عزيز المقامي

فايز شهر طيبه ولا حدن بناسيه
تلقاه بالميقاف يوم الزحامي

وويل من هو بالمعاده يلاقيه
يارد ليا من ثار وقت العسامي

شيخأ من عتيبه ماضاعت خطاويه
ربعه هلا الفزعات مثل السهامي

عتيبي نعم معروف لاحل طاريه
شجعان هيلا من كبار الاسامي

لي الشرف اقرا قصيده واجاريه
شاعر وله لمسات مثل الزلامي

تحميه من شر الزمان وبلاويه
عسى يدوم العمر له كل عامي

قلته وانا مطيري وفعله معليه
اهل الثلاث المعجزات الحسامي

واهدي تحياتي من القلب ابعطيه
مع القوافي يستلمها استلامي

واختامها اعداد فرضن نصليه
له التحايا عد من حج وصامي


عبدالله الرهيف