منتدى بني عزيز الرسمي من مطير - الحفل لامن صارعند الرغيات

مشاركتي في حفل الشاب
عبدالعزيز بن علي عمران العزيزي

ياهاجسي عــطني جزيلات الابيات
لاتـلـتمـس ياهــــاجسي للــمعــاذير

ربعي ذوي فــالح لهــــم قـدر بالذات
جيت افتخر ب اهل الوجيه المسافير

عــبدالعزيز الـــكــــم نزف التحيات
ارفع لك عـــــقـالي ي ذخر المناعير

مقدام حر وله مع اهل الطيب وقفات
ابن عــــــلي عـــمران يفرق عن الغير

تر فـــع لك الـــــرايات في كل الاوقات
وعلي ابوك مـسطر الـمــجـــــد تسطير

وعـــمـران جدك له مع المجد صولات
وحــزام من روؤس الربوع المشاهير

والحـــفــــل لامن صار عند الرغيات
يسعد جميع الي حضر مـــــن جماهير

تلقا القبال ومـــــــع جـــــزيل العبارات
والـعــــــود الازرق والــــدلال المباهير

نعـــــم كــــــفــــو تاج الفخر والمهمات
قــول وفــــعــــل بالطـــــيب مافيه تاخير

ربعي لهـم باالـمجـد رمـــــز وعــلامات
افــــعـــــالهم مـــثــل السـيــوف البوتير

اقــــــــولها عــــنــدي على ذلك اثبات
شــــوف الجــموع الي سوات الطوابير

بني عـــــــزيز اهــــل الكرم والمروات
لهم مع اهــــــل المـجد هيبه وتقــدير

وصلو على محـــمــــد اتم الــــصلوت
الي بـــــعــــث لنا بــخـــــير التباشير

عبدالله الرهيف