رمز الشجاعه
 

هذي القصيده مهداه من الشاعر عايض نور العزيزي الي البطل ماجد عمران العزيزي لانقاذه لزميله اثنا الحرب

ياشعري تجمل يوم وقت المدايح حان
ترا السالفه ماعاد فيها ومافــــــــــيها

ابمدح لكن والله ماامدح سواالشجعان
رجالً فعايلها ماتخفى خوافــــــــــيها

ابمدح رفيق العز ماجد ولد عـــــمران
على افعاله الي محد يقدر يجاريــــها

وقف مع خويه حزه الضيق في الميدان
ونفسه على الهيبات ماهو مضريــــها

عنه ماتخلا يوم للـــــــمعركه دخــــان
وقف وقفتن كلً من الناس يـــــطريها

يدوس الخطر والموت والله مهما كان
ماهاب المنيه لو روحه تلاقـــــــــــــيها

ينومس بني عمه رفيع القدر والشان
ولاهي غريبه من عزيزي يسويـــــها

يارمز الشجاعه والوفا ماجد كحيلان
لو امدحك ماتكفي الحروف وقوافيها

وقصتك هذي معجزه غير للمـــــطران
تفاخر به والوقت والله مايمحـــــيها

وعددمايطيرالطير في الجوبالجنحان
على افضل عباد الله صلاتً نصليها

عايض نور العزيزي

يارمز الشجاعه والوفا ماجد كحيلان
لو امدحك ماتكفي الحروف وقوافيها

صح لسانك بابونور
شاعر الحدث الله عليك
مبدع ولاهوغريب عليك الابداع

صح بدنك اخوي الليث ولاهنت

اخوي عايض نور

صح لسانك على النص الفاخر

قصيده جزله من راس جزل

وابن عمنا يستاهل الجزاله

اخوي الطريس صح بدنك والاهنت