|
مدري مشاريهي على راعي الطيب والا على اللي ما يعرف الشدايد
الغربه وبعدي عن ديار الحبيب
ثارت بصدري وشتكيت القصايد جربت ناسً ماتعرف المواجيب بانت وجيهن عرفها للفوايد مدري مشاريهي على راعي الطيب والا على اللي ما يعرف الشدايد منول احسبه عطيب المضاريب واليوم حكيه مثل حكي الجرايد والوقت علمنا بكثر التجاريب ان الوفاء في طابع اليوم كايد عندي على بعض الصداقه تعاجيب عرفتها لو كان ماهي جدايد فيصل المندهه |
رد الشاعر عبدالله المندهه
يافيصل الدنياء دروس وتجاريب
والناس كلً له سلوم وعوايد كم واحدً تحسنبه الظن ويخيب اتغرك اهروجه وكثر المزايد عليك بالطيب تراء الطيب يطيب ولا الردي تلقاء وراه النقايد اللاش لاتخليه يافيصل صحيب ابعد عنه واترك اعلوم النماريد ولا تخاوي الاواحدً كنه الذيب الياء زهمته ماتراخاء وحايد قلته وانا اليله على صوتك اجيب ارقى سماء ولا تحسب الشدايد عبدالله المندهه |
اخوي فيصل المندهه
الله يعينك على الغربه ويردك سالم غانم لوطنك واهلك صح لسانك وصح لسان الشاعر عبدالله ثواب المندهه قصيده ورده رايعه وتحمل في طياتها النصح والحكم دمت ودام ابداعك |
صح لسانك على البدع
وصح لسان عبدالله على الرد امتعتونا . الله يردك موفقاً كاسباً لما بعثت من اجله |
| الساعة الآن 12:15 AM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "