|
للشعار
سلام عليكمـ ..
من باب تجديد الوصل واغلاق باب الانقطاع سلام يالشعار والتسليم معه المعذره يامعتلين لهامة المجد وطويلين الذراع الشاعر اللي معه جهد يقدمه لايذخره |
وعليكم السلام ورحمة الله وبركاته
صح لسانك واعتلا شانك ياسفير المهد ولا فيك حيلة و يا هلا و يا مرحبا يابو سعدي والوصل باقي ولا فيه انقطاع اشتقنا لمحاوراتكم ونتمنى تنسيق وقت للمحاورات مثل اول |
من باب تجديد الشعر واغلاق بيبان النزاع
يامرحبا بك ياسفير المهد والخط اعــــبره اصحابك الشعار موجودين والدنيا مـــتاع واللي حداه الوقت واظروفه مانقدر نجبره |
الله الله ياابو نور حياك الله . واستلمـ
دام البقاء يالشاعر اللي راحت سنينه ضياع لكن تال الوقت جاي له مع القاع غبره اتقول موجودين ياعايض ! خطأ مدري خداع هذي ثلاث شهور وابواب الرجال مسكره |
وجه الحقـــــــــــــيقه والله انه مايغطيه القناع
وليل(ن)مايشبه مثل ليل القدر والله مااسهره اللي داعا الداعي يجـــونك كلهم مثل السباع واللي حظر منــــهم يسدك والامور ميـــسره |
مايلحقك لوم العرب دامك بذلت المستطاع
لو الحقيقه مثل طعم المر ماهي سكًره اكثر سباع الضلع ياعايض تبات وهي جياع واكبر غشيم اللي لاشاف الموت يعطيه نحره |
الحمدلله ماحســـــــــبنا للهجوم وللدفاع
والشعر والله ياسفير المهد سباح ابحره كل يبايلقا العشا في ضلع والا بطن قاع ولايعرف اسرار المقابر غير راع المقبره |
مايصلح تطب السفينه فالبحور بلاشراع
متى عيال البدو ياعايض تكب العنصره ! التاجر المضبوط يعرف كم شرى سلعه وباع والياتردت سلعته كلن بيعطيه ظهره |
مايصلح تطب السفينه فالبحور بلاشراع
متى عيال البدو ياعايض تكب العنصره ! التاجر المضبوط يعرف كم شرى سلعه وباع والياتردت سلعته كلن بيعطيه ظهره |
صح الله لسانك ياعايض على ابداعكـ الغير مستغرب عليك
استمتعنا باللعب معك والختااام عندكـ وبيض الله وجهك . |
| الساعة الآن 09:16 PM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "