مرثيه
 

عبدالعزيز ارفق ترى الدمع قتال
أنا مكان اخوك في العسر والين
انا عضيديك لأرتخى عزمك ومال
أشيل ثقلك عنك دام الزمن شين
مصابنا واحد وحالك وهو الحال
شعورنا واحد ولا كننا اثنين
أيامنا ياخوك ماتشرح البال
نمسي ونصبح في وداع الوفيين
الله هو الخالق وعلاّم الآجال
وحنا بما يكتب لنا دوم راضين
كم مات من ناسٍ حميدين الافعال
وكم تاخذ الايام من ناس غالين
مات الرسول اطهر جسد عبر الأجيال
والدايم الله..وأجمع الخلق فانين
ذي سنة الله عالمٍ كل الاحوال
وحنا على درب العزيزين ماشين
باقي ملامحهم لو غيابهم طال
وأشوفهم باحلام نومي قريبين
اهمومٍ بقلبي من الجال للجال
عاشت على دمي وتبقى به إسنين
يارب سكْنهم بجنتك منزال
وإعفرلهم نهار عرض الموازين
عايض معه يوسف وسلطان الابطال
رحمتك ياربي لهم قولوا آمين
#فيصل المندهه

الله يرحم عايض ويوسف

صح لسانك واعتلا شانك أخوي فيصل