يـاصاحبي لد النظـــر واستمعني=عطني من اللحظات لو ربـع ساعـه
ابيك بـكلمة راس واسمع وطـعني=ان كان عندك لي قدرٍ وطاعه
حبي لك بْدنيا المحبه رفعني=عن ما يعيـب الحب واهل الدناعه
بدعت لك شعـر الغزل ما بدعني=وانا وشعري في رحابك وداعه
وان كان قـلـبك فالمـحبه وسعـني=وش عاد لو ضاق الفضا باتساعه
انته وتـكفـيـن عن الغـير واعني=انك منى قلبي بكل الجماعه
حب الموده والغلا لك دفعني=وعليك موج الحب زاد اندفاعه
ومدام حظي في خفـوقك زرعني=بازرعك انـا فـي نـون عيـني زراعه
وفي حشمتك ما اطاوع اللي منعني=احيا واموت ولا نويت القطاعه
واذا القـضـا والـقدر بك ما جمـعـنـي=الله يرزقـنا الـصبر والقناعه