منتدى بني عزيز الرسمي من مطير

بسم الله الرحمن الرحيم
السلام عليكم ورحمة الله وبركاته ..

تنظيم الوقت امر مهم في حياة البشر والحياه من دون تنظيم وترتيب لافائده منها . وعندما تكون حياتك اليوميه منظمه ومرتبه فأنت بلا شك الشخص الذي يعيش اسعد اللحظات واجملها .
لا اخفي عليكم امراً ما شاهدته واعجبت به وتمنيت ان يكون لنا منه نصيب .
حضرت مناسبة احد الاصدقاء من دولة عربيه شقيقه وكانت المناسبه زواج وقد رايت كل شي في المناسبه يجتمع فيها البساطه والتنظيم والترتيب .
حضرت وكانت نسبة الحضور معقوله ولكن كلها هدؤء وراحة بال لجميع من حضر كل شي فيه بساطه وضحك ووناسه . نعم كان من ضمن الحضور اطفال ولكن وكانهم لم يتواجدو اطفال بالحفل لاصجه ولا صياح . فقلت ياليت كل اطفال البشر بهذي الطريقه . قدمنا بعدها للعشا وكان كل شي ميسَر ومرتب .
تذكرت وطرى في ذهني عندما نحضر مناسبات بعضنا البعض تجد الصجه والصياح وهذا يرفع صوته العالي وصياح الاطفال وكانك في ملعب كورة قدم وتكسير وطراطيع ويجيك العشا وتجد الولائم والمفطحات ولحم الحاشي والخضروات وكأن صاحب الحفل يقول شوفوا الكرم الحاتمي عندي وغيري ولاشي ..وباالاخير مدري وين يروح الاكل هل يرموونه او يوزعونه على الفقراء .

وجهة نظر ..
مما شاهدته في زواج صاحبنا ومما تذكرته في زواجاتنا أمر يستحق ان نتوقف عنده فهنا فرق بين المناسبتين الاولى زواج ميسر وببساطه وكل شي فيه منظم ومرتب ويسكنه الهدؤء والزواج الثاني كل التعب والصياح والتكسير والتبذير موجوده فيه .
سالت نفسي هل بامكاننا ان نرى في مناسباتنا مثل بساطة هذا الزواج ام لا .؟
تاكدت بان فيه شي غلط ومن المستحيل ان نشاهد هذا الزواج المبسط والميسّر في مجتمعنا القبلي ...