منتدى بني عزيز الرسمي من مطير - مرثية في الوالد الله يرحمه

https://www.youtube.com/watch?v=_0fa...e_gdata_player

ياتاج راسي طاح راسي مع التاج
لاوالله الا طحت كلي بدونك
يابوي لو الموت له طب وعلاج
والله لوقف دون موتك ودونك
يومك معي اقاوم امواج وامواج
ما اهاب ومتوني سندها متونك
لكن جاك الموت ماعنه مخراج
حتى ايش لو كل البشر يحتمونك
قضيت عمرك ماتسببت بازعاج
والناس دايم بالوفاء يذكرونك
اسست لك بالطيب مبدأ ومنهاج
واجب على بعض البشر يدرسونك
يمدحك فعلك منت للمدح محتاج
يالجود مات الي بفعله زبونك
ينعاك مجلس عز مع فلة حجاج
وقولت هلا يامرحبا يفقدونك
شفهم مشيعتك تقل وفد حجاج
يبكون بعدك يومهم يقبرونك
يبكون دمعا" من عنى البعد ثجاج
غصبا"عليهم ياقبر يردمونك
الله يبدل ظلمة القبر بسراج
ومن جنة الفردوس تملى عيونك
يارب تكتب له بدل عسره افراج
بحق منهم بالدعاء يطلبونك