|
سهلة المزرع
في سهلة المزرع وحياكم الله
باللي حضرنا من قريب وبعيدي الاد وايل والكــرم هـــم هلً له هذي طبايعهم عسى الله يزيدي ارجو من الشعراء ان كل واحد يكتب بيتين بمناسبة حفل الطلاحبه من بني عزيز للشيخ جبارالنكري ودمتم سالمين |
الله يبارك فالكريم ومحله راع المواقف والكلام الرشيدي الاد وايل سيفنا اللي نسله العزوه اللي فالشدايد رصيدي |
[دام البــقاء والخير محدن يمــله طبع الكرم طبعك ورايك سديدي آلاد وائــل شجــرة (ن)لي مــظلـه ساس الفخرو المجد ساسه جويدي |
فيك البقا والخير والطيب كله
يستاهلون المدح واجمل قصيدي اَلاد وايل بالمـــكـــــــــارم مطله هذي عوايدهم ولا من جديدي |
اخواني الشعراء
ابوشاهر ابوعادل ابوسلطان كفووووو ابدعتم واشكركم على تجاوبكم وننتظر ياقي الاعضاء ان لم يكن شاعر يشاركنا ولوبخاطره |
ذكر ربي والثنا فــــــي كل حــــــــال ابدابه وذاكر الله فالرخا ينجيه وقـــــــــــت الشده وفي نهار العرض يوم الادمـــــي وحسابه يابياض اوجـــــــــــــيهنا ولا تجي مسوده يالله اجـــــــعـــــــلنا مــــــن اليمين اكتابه والمصـــــــير لجـــنة الفردوس محد ايرده عـــــقـــــب ذكره كل حر وماكسب مخلابه ومن قنا الحر النداوي فاللــــــــزوم ايسده والمعاني مثل رجـــــمــــــن عالين مرقابه ولا رقاه اللي ثقـــــــــــيل الحمل بيّح سده وعشت ياراسن جزيل الشــــعر فك ابوابه داك ابوي الله بعفوه والســــــــــنين ايمده يوم سلمنيك ياســـــــــــيف الفخر ونصابه احمد الله وارث اللــــــــــي وارثه من جده ادري اني ذيـــــــب وادري فالرجال اذيابه وكل راعـــي كيل ياخـــــــذ وزنته من مده مرحبا ترحيـــــــبــــــتن ثوب الوفا تزهابه طيبها باهل الــــــــوفا والطيب واصل حده اي ارحــــب في مـــــــحلن صاحبي حيابه ايه والميــــــــــــقاف واحد فالرخا والشده الدلال الصــــــفر دارت كيـــــــف ياشرابه واستدار العــــــود الازرق والنبا في سده قلتها عـــــــــــن لابتن نعمن بهم من لابه لابتن تسبح بحور الطـــــــــيب جزره مده يابني عـــــــــزيز ياعـــــين الوفا واهدابه يامقـــدمة الجــــــمايل واللــــــزوم اتسده الولد منكم وريث العز مــــــــــــــن شيابه والكرم والجود فيـــــــــــــكم عادتن ممتده وفي زمانن فات يوم ان الســــــنين انهابه يوم زرقات الرمـــــــــــاح ويوم فعل الرده فعلكم ماله شبيه وعـــــــزمــــــكم متشابه وكل ضــــــد اليا دعاه الـــــــشر يلقا ضده وشيخــــــكم قصرن بضله ضل من يلجابه عن معاوين الدهر فالـــــــــساعه المشتده ماينوخ غير للحمل الثــــــــقــــــيل اركابه وحاتمي لاعدو ازحـــــــــول الرجال انعده ذاك ابن عايض وعايض ســــيرته بكتابه مندهه وواالمـــــندهه معروف محدن قده غاب لكـــن عز بيت اهـــــل الوفا باطنابه مايمــــوت اللــــــي ذخر مثله وعده عده واشهد ان لي عزوتن درب الـوفا سرنابه دون واجبنا مثل ضلعن عــــــــسيرن هده منهو اللي فالقضا لاهـــــــــل القضا يأتابه غير ابن شلاح حبل الحـــــــق يفتل عقده ومنهو اللي قدم وجه الضــــيف فاتح بابه غير ابن شلاح يوم ان السنـــــين امصده ومن نخانا لو يببي سطح القـــــمر جينابه بس هجمتنا علئ كـــــتبد العــــــدو مرتده وكلبونا من مـــــــطـــــير ان هابو الهيابه الدخيل انومنه والخــــــــــــــصم ناطا خده لاخــــتــــلف وجه الزمـــان ولدرج دولابه كم مـن راعي هــــــــقاوي نوقفه في حده والقبايل نعــــم والتاريخ مـــــــــن يقرا به الحروف اللـــي على بيض السطور اتسده ومن حسب للناس يلقا من يحسب احسابه ومن يصد اعـــــن الحقايق ماله الا الصده وادعو لجــــــــبار ربن ماخـــــــسر طلابه من ثياب العافـــــــيه يكســــــيه ثوبن قده حـــــكـــــم ربي فوق خلقه والقدر نرضابه كل شــــــي فـــــــي ســـجل الادمي لو وده والله اللي قال عــــــبدي، يصبر ابما صابه الثــــــــواب يزيد له والــــــــذنب يعطا نده وعزك الله ياوطــــــــــن بيت الله ومحرابه والله انا دون حــــــــــدك كل كــــــــيد نلده والنهـــــايه كل حـــــــر وما كسب مخلابه ومــــــــن قنا الحر النداوي فاللزوم ايهده الشاعر /سعود بن عمار القت |
وكلبونا من مـــــــطـــــير ان هابو الهيابه الدخيل انومنه والخــــــــــــــصم ناطا خده لاخــــتــــلف وجه الزمـــان ولدرج دولابه كم مـن راعي هــــــــقاوي نوقفه في حده سرقة بيضاء من رد سمو الذات جزاك الله خير بارك الله فيك سلمت وسلمت اناملك التي خطت هذا الموضوع تم النشر على تويتر https://twitter.com/beni_aziz تم النشر على الفسبوك http://www.facebook.com/profile.php?...50&ref=tn_tnmn الرسالة الفيس بك My account has been closed temporarily for security reasons |
اخي سموالذات
اخي خوي سالم اسعدني مروركم كل الشكر |
| الساعة الآن 07:18 PM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "