|
يدور الزمن ( مرثية في الشيخ فريح فرح العزيزي)
السلام عليكم ورحمة الله وبركاته مرثية في الفقيد الشيخ فريح فرح العزيزي يدور الزمن واللي مضى مستحيل يعود........ ولايمكن ان الحال يبقى على حاله خلقنا وكل حاجة لها عمرها المعدود.......... وذي ناس نزاله وذي ناس رحاله يروحون ناس ونحزن وحزننا محدود.......... على ذكرها النسيان يفتح لها اقفاله ولكن بعض الناس واقلبي الملهود........... مراحه صعب كنه على الارض بلحاله كما شيخنا اللي راح به يومه الموعود......... فقيدة زمن قليل من يفعل افعاله تربى على عز وسعى بالوفاء والجود........... وخلّف ولا ضاعت هقاويه بعياله على اصلاح ذات البين يبذل لها المجهود........ واذا جار حمل الخير فزله واشتاله واذا ضاعت الارياء يجي رايه المعهود.......... يجبّ الخطا ويشيد به من توحاله مصابٍ جلل ومفارقه هزني يا سعود........... وانا قبلها كل هم مشروب فنجاله بكيناك يافريح لو الدمع مابه فود.......... وبكتك القبيله واجهش المهد وجباله تغمده ربي برحمته منجي المضهود.......... وعسى جنة الفردوس داره ومنزاله .................................................. ........... وهنا بصوت المبدع احمد المعجل ولا يفوتني ان اشكره واشكر المصمم سامي المطيري http://www.youtube.com/watch?v=-2DUaw-vDks |
بكيناك يافريح لو الدمع مابه فود.......... وبكتك القبيله واجهش المهد وجباله
تغمده ربي برحمته منجي المضهود.......... وعسى جنة الفردوس داره ومنزاله قصيده مؤثره انشهد ابوسعود انه فقيده على بني عزيزخاصه ومطيرعامه يامال الجنه على الزين ابوسعود الله يعوض علينا والخيروالبركه في عياله صح لسانك يابن معلي وعاش المنشد احمد المعجل والمصمم سامي المطيري |
أخووووي الشاعر / نايف معلي صح الله لساااااااانككككككك والصوت المبدع / احمد بن معجل أمتعنا بهذا الصوت الأكثر من رائع ، والى الأمام ، يا المنشد أحمد والمخرج المبدع دائمآ سامي المطيري كما عهدناه الابداع الغير مستغرب والتصميم الرائع قصيدة في غايه الروعه والجمال ... والله يرحم أبو سعود ويبيح منه .............. لكم ودي وأحترامي................. |
الله يرحم الفقيد ويسكنه فسيح جناته صح اللسان شاعرنا المبدع وسلم المنشد الرئع تم النشر على تويتر https://twitter.com/beni_aziz تم النشر على الفسبوك http://www.facebook.com/profile.php?...50&ref=tn_tnmn |
اخوي الليث.... لاهنت على المرور واسعدني تواجدك يالامير وصح بدنك الشاعر منيع الله... مرورك شرف وكلماتك وسام وصح بدنك يالغالي خوي سالم... المتميز والمبدع اولا اشكرك على جهودك في الدعم الاعلامي والى الامام ... تواجدك في متصفحي فخر وشرف لي لاهنت يالقرم |
صح لسانك اخوي نايف
ويرحم فريح برحمته انشالله |
صح لسانك يابو معلي قصيدة رائعة من شاعر مبدع والاروع صوت ابومعجل الله يعطيه العافيه رحم الله الشيخ فريح بن فرح واسكنه فسيح جناته |
| الساعة الآن 05:39 AM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd
"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "