منتدى بني عزيز الرسمي  من مطير

منتدى بني عزيز الرسمي من مطير (http://www.azizenet.net/vb/index.php)
-   بحور الشعر الخاص (يمنع المنقول) (http://www.azizenet.net/vb/forumdisplay.php?f=89)
-   -   تكفون ياهل الصيد (http://www.azizenet.net/vb/showthread.php?t=17106)

الطريس 11-27-2012 01:13 PM

تكفون ياهل الصيد
 
اخواني 00اخواتي اعضاء وزوار منتدى بني عزيز

السلام عليكم ورحمة الله وبركاته

ابشركم تم اكتشاف موهبه شعريه فذه لدى شاب من شباب القبيله(حقاً انه شاعر) وتم اكتشافه بمحض الصدفه عن طريق شاعرنا رويضي العزيزي عندما ارسل له صور رحلته للربيع في العيص

مما اثار قريحة الشاعر منيع الله بن داخل العزيزي وارسل له الابيات التاليه


تكفون ياهل الصيد واهل المقانيص =اهل الوفاء والطيب واهل الشجاعه
ودي بخوتكم وراء ديرة العيص=والا وراء ديرة بلي من قضاعه
كل الديار نمرها دون تخصيص=الكايده تسهل بكل استطاعه
نشرف على حد ارتفاع القانيص=ماهمنا عسر العظا وارتفاعه
لسلاحنا ختم وبطاقه وترخيص=خسران من عد الدراهم وباعه
خوه بها زود ولافيه تنقيص=كل فعوله بينه من ذراعه
اخير من خوة ضعوفٍ مناقيص=خويهم مضيوم والهم لاعه
اهل القفاء والنم وهرج تخبيص=ماحدِ يخاويهم ولو ربع ساعه
ارجيك ياللي محص الذنب تمحيص=في خوتي تختار خير الجماعه

وكان هذا رد الشاعر رويضي بن وسمي العزيزي


ابشر بعزك مانعرف المحاويص=نفرح بمن مثلك وعندي قناعه
لنا الشرف ماهي علومٍ تماليص=وانته تقود الجمع مانته تباعه
من رؤس قومٍ فاللوازم مفاريص=واحد من شذرة سيوف القطاعه
ولِم00ودار ٍ تهاب عنها القوانيص=ناصلها مادام فيها طماعه
من دونها ناطا السهل والفواريص=ونهذب مع الحروه هذيب السباعه
لو لاهب الكنه يجي له تباليص=ماردنا عنها الضما والمجاعه
ننقل مثامينن ماوخذن مخاليص=نقوه وناقيهن خبير البضاعه
سردن تمهص ثومة القلب تمهيص=اليا انشلع عبرود راس السراعه
واقبل تحياتٍ لشرواك خصيص=انته ومن للصيد عنده ولاعه

هذا وقد اوعدنا الشاعر منيع الله بالتسجيل بهذا الصرح واثرائه بالعديد من القصائد

وكذلك له من عندنا ديوان شعري باذنه

المايسترو 11-27-2012 01:51 PM

السلام عليكم

صح لسان الشاعر وبيض الله وجهك على هالقصيدة الطيبه والجزله والى الامام

المايستروووو

الطريس 11-27-2012 01:58 PM

اخوي المايسترو

حياك الله واشاده رائعه يستحقها شاعرنا القادم

اسعدني مرورك العطر

الليث 11-27-2012 10:57 PM

اقول مافيهم حيله وبس
ابداع من كلا الشاعرين
واشكرك اخي الطريس
على نقلك الرايع والمميز

الطريس 11-28-2012 12:37 PM

اخوي الليث

فعل مافيهم حيله كلهم شعراء عمالقه

اسعدني مرورك يالقرم


الساعة الآن 01:36 PM.

Powered by vBulletin® Version 3.8.4
Copyright ©2000 - 2025, Jelsoft Enterprises Ltd

 

"جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى "

vEhdaa 1.1 by NLP ©2009