تركي بن حميد
 

نومك طرب والا بنومـي هواجيـس

ولا يسهـر بالليـل كثـر الحلومـي

أسهـر إلى نامت عيـون الهداريـس

بالليـل أسامـر سايـرات النجومـي

أوجس بقلبي مثل صلـي المحاميـس

الله يلــوم اللـي لمثلـي يلـومـي

قالوا جهلت وقلـت جهـل بلا قيـس

الجاهـل اللـي ما يعـرف العلومـي

من ياخـذ الدنيـا برايـه بلا قيـس

مثل الذي في جـوف بحـر يعومـي

واليا ركبنـا عالجـات المضاريـس

سلـق الامهـار وكل قبـا قحومـي

عقب التنـازي بالنشامـى كراديـس

والطيـر في مسنـا دهنـا يحومـي

عـرج وهن بالكـون مثل الجرانيـس

على الطريج مصوبـرات كصومـي

وشلف تركـز بالعـروق النواعيـس

تبرد على كبـدي لهيـب السمومـي

بايمـان صبيـان تـدور النواميـس

الا من الادنيـن وأقصـى اللحومـي

عنـدي لهـم بـن دلال متـاريـس

إلى راح شـراب المشايـش يحومـي

نقصر لها الحمسه وخمـس التجانيـس

برايـة يعمـل بهـا كـل يـومـي

ودلال تعبـا للنشـامـى محـابيـس

واكرامهـا فـرض علينـا لزومـي

حفى القلم من كثر كتـب القراطيـس

وركبنـا مـن كثـر الادلاج تومـي

ما ينبنـي بنيـان من غيـر تاسيـس

ومـن لا تعلـم مـا تفيـد العلومـي

ولاخير في كثر الحكـاوي التماليـس

وقـول بـلا فعـل يجيبـه وهومـي

بالليل أصالـي حاميـات المحاميـس

والصبـح أصالـي كل قبا وكومـي

وأقفـن بنا مثـل النعـام المماريـس

إلى هف عجـل مع رفيـع الحزمـي

نستلحـق اللـي يطلبـون النواميـس

اللي من الاقصيـن وأدنـا اللحومـي

ولومـي على اللي ينقلـون العبابيـس

أهـل الفرنـج وكل رامـي لحومـي

وشلفت تركـب بالرمـاح الأناسيـس

وسلت المهـار وكـل قبـا قحومـي

قـب تنـازا بالنشـامـا كـراديـس

وتعاقبـوا مـن فوقهـن السهـومـي

عـرج بهلهـن كنهـن القـرانيـس

على الطريح مصوبـرات كضومـي

حتى يـزن إلنـا المثـل والتوانيـس

والكيف طـاب لمن يفـك القحومـي

ومن لا يقلط شـذرة السـف والكيـس

يـازي عليـه مـن اليالـي ثلومـي

ومن لا يدوس الراي من قبل ماديـس

عليـه داسـوه العيـال القـرومـي

وشيخ لنا يعطـي الفقـارى المفاليـس

عسـاه بالـدنيـا بعــز يـدومـي

حـر ليـا دبـت عليـه النواميـس

إليا اعترض جول الحباري صرومي

اليا اكترب من بعض الأشياء سبابيس

أعـزم ولا بـد الفـرج للعـزومـي

واعمل وتلقـا وفهـم العلـم بالقيـس

دنيـاك لـو زانـت تراهـا نقومـي

تضحك وتخفي لك خفـي الهناديـس

تفطـر لنـا يـوم ويـوم تصومـي

أربع اسنين ودمـع عينـي أماريـس

العيـن تسهـر كـن فيـها الهزمـي

يجلى صدا قلبي ضبيـح المهاريـس

لاجـاك شـراب الحشايـش يعومـي

يعطيك العافيه علي القصيده الرائعه
وصح لسانك ولسان الشاعر بن حميد

مشكور يا العزيزي
والله يعطيك العافية

اشكركم على المرور وتقبلوا تحياتي

اشكر كل من قام على المرور ولكم تحياتي

العزيز

صح لسانك ولسان الشاعر بن حميد

ويعطيك العافيه

شكراااااااا أخوي