ياولد عمي نخيتك بنت عمك/ بنت عمك
 

ياولد عمي نخيتك..والقصيد أسْنده يَمك
عدها نخوة ...حميّـا/عدها نخوة ..ميانه
,،
وأعرف أني لا نخيتك.فَاض بالفزعَات جمك
وأعرف أنك ماتقول الرأي إلا في مكَــانه
,،


إحتميني ياولد

عَمي.... إذا فعلاً/ أهمــك

أوقف بوجه المواجع ..والظلايم/والمهانـــه
,،
زمني حد النجوم اللي عليها كنت أزمك
عالم الحرمَان هذا ..ذله وأقطع / لســــــانه
,،
عالم الخذلان هذا.. ذوّقه لحظات/ سمـــك
عالم الطغيان والبهتان ....ماعنده /أمــــانه
,،
بنت عَمّك ياوَلد عَمّي... ترَاها بنت عَمـــك
تَارد الموت الحَمر .. مَاهي عن الوَقفه / جَبانه
,،
دَمي اللي في عروقي هو ترا من نفس / دَمك
دَم / نشمي إلآ من فَار..مَادَوْر ...معانه
,،
والجفا لالم خطواته.... طلبتك لا/ يلمك
الجفا كافر.. وأنا وأنته على نفس الديانه
,،
انخذلت بكل من حولي وخذلاني / يعمك
وإنطعنت بكل سكين نوت طعني خيانه
,،
طعنت الدنيا بجوفي عن ندايه لا تصمك
طعنةٍ تشعل جروحي..ثم تمثناها لعانه
,،
ياولد عمي نخيتك بنت عمك/ بنت عمك
عالم الخذلان والنكران ماعنده امانه

للأمانه منقول*
:hlopaetfg: :hlopaetfg: :hlopaetfg:

اختي الشيخه
راق لي طرحك
وكل الشكر على نقلك

الشيخه حروف وكلمات تستثير المشاعر يكتنفها الاحساس وروح الانتماء في زمن باتت الاروح تنشد البعيد وتبتعد عن القريب
هنا تجديد ومناداه واعتزاز وتضامن وثقه واحساس في مكانه معاني لا يستشعرها الا اهل القلوب والعقول المحسه
نحتاج دوما لتأصيل هذا المعني اتباعا لمن لا ينطق عن الهوى (( الأقربون أولي بالمعروف ))
الشيخه شكرا جزيلا لهذا النقل والذوق الراقي كلمات تستحق الوقوف جمال حروف وجمال بوح ومشاعر